影片
更多
2021-11-15
99 瀏覽
門面裝修乾淨企理，同朋友毫冇懸念走入去探店！由於時間尚早，可以任揀入座位置～晚市套餐非常豐富，睇返Menu，菜式應該係主打越式～聽返侍應介紹，先知道最近新增咗泰國菜式～凡事一開始總會更有心機，所以決定點泰式嘢😂泰式拼盤（細）～兩個人，最怕食來食去都係果幾樣野，叫個拼盤，每人每樣一粒，比較多口味可以品嚐到！當中以雞翼係我比較喜歡，皮脆肉嫩，夠晒Juicy，而且非常入味！鐵板蠔餅～見到佢起左幾層樓，就知道非常抵食！而且外貌非常壯觀！獨有嘅口感配埋特別嘅辣汁及酸汁，非筆墨可以形容👍🏻明爐青檸烏頭魚～非常大條，佔咗大半張枱，由於係明爐嘅關係，保持到溫度，魚肉非常之厚身，口味方面，酸酸地非常開胃，同時魚嘅腥味都可以完全去除👍🏻呢個甜品係送嘅！上面白色一層椰汁糕竟然有鬆軟嘅感覺！椰汁味香濃，西米香滑，甜度適中，口味一流！
由於時間尚早，可以任揀入座位置～
晚市套餐非常豐富，睇返Menu，菜式應該係主打越式～
聽返侍應介紹，先知道最近新增咗泰國菜式～凡事一開始總會更有心機，所以決定點泰式嘢😂
泰式拼盤（細）～兩個人，最怕食來食去都係果幾樣野，叫個拼盤，每人每樣一粒，比較多口味可以品嚐到！當中以雞翼係我比較喜歡，皮脆肉嫩，夠晒Juicy，而且非常入味！
鐵板蠔餅～見到佢起左幾層樓，就知道非常抵食！而且外貌非常壯觀！獨有嘅口感配埋特別嘅辣汁及酸汁，非筆墨可以形容👍🏻
明爐青檸烏頭魚～非常大條，佔咗大半張枱，由於係明爐嘅關係，保持到溫度，魚肉非常之厚身，口味方面，酸酸地非常開胃，同時魚嘅腥味都可以完全去除👍🏻
呢個甜品係送嘅！上面白色一層椰汁糕竟然有鬆軟嘅感覺！椰汁味香濃，西米香滑，甜度適中，口味一流！
張貼
