牡蠣不如帰

營業中

休息中

齋睇門口嘅裝修，會覺得佢係一間普通日本拉麵店咁樣，入門口之後原來係有驚喜，佢入邊嘅設計唔係普通日本餐廳拉麵店嘅設計，都幾有新鮮感。入面嘅舖頭面積唔算大，坐定定之後，周圍望下環境，就開始睇餐牌，一共叫咗三款嘢食，包括牡蠣鹽味拉麵，醬漬牡蠣一口飯，牡蠣野菜天婦羅。講到呢度嘅主菜，當然係牡蠣🦪鹽味拉麵，呢個拉麵送到枱嘅時候，係叉燒上面有一啲類似牡蠣嘅醬汁，必須要撈落嗰個湯底度，先會感受到呢個牡蠣湯嘅味道，可能期望相對較大，反而覺得牡蠣味唔係咁突出，可能本人都係鍾意食豬骨湯底嘅拉麵，佢用嘅面亦都唔係平時食開嘅中華拉麵或者日本嘅拉麵，有啲類似蕎麥麵嘅模樣，特別特別特別要比讚嘅係👍🏻👍🏻👍🏻佢嘅湯底非常熱，而且保溫非常好，食到最尾仲好熱辣辣但總括而言，我就最鍾意一口飯！除咗醬漬令本身個牡蠣好鮮甜之外，佢用嘅紫菜亦都係類似泰國嗰隻脆嘅，本身紫菜都有香甜味，兩者配合，我會覺得係今次食嘢最大嘅驚喜。