金泰子泰國餐廳 (已結業)

難得呢頭咁多泰國菜，係附近番工既我緊係要黎試下。5點幾去到仲有lunch set都算唔錯，包一個主食同一碗湯。個湯係老火湯都飲到有冬瓜係入面。叫左個雞肉金邊粉，係少有以雞肉黎做配料既金邊粉。一黎到見雞肉份量都幾多，不過唔知係咪翻炒定點，啲雞肉有啲凍。不過整體金邊粉個味道係唔差。可能食開比較濃味既就會覺得佢味道啱啱好，如果可以再濃味啲就好。份量黎講lunch食係啱啱好，唔會太多食唔曬又唔會少都唔飽咁。除左雞肉有啲凍整體黎講都算正正常常。