蛋仔記雞蛋仔

營業中

休息中

今日經過旺角，去咗蛋仔記試吓佢哋雞蛋仔同埋格仔餅！位置喺女人街附近好容易搵～章魚燒雞蛋仔一拎出嚟就聞到濃郁嘅章魚燒味，雞蛋仔皮脆卜卜，咬落去煙韌有咬口，味道甜甜地，～紫菜味幾重，好似真係食緊章魚燒咁，但用咗雞蛋仔去演繹，有創意之餘又唔會覺得奇怪值得一試。開心果醬格仔餅啱晒鍾意食開心果嘅我😝咬落外層微脆，入面軟綿綿，仲食到碎碎地嘅開心果粒，堅果香味幾突出但唔會過火，甜度控制得啱啱好，食到最後都唔覺膩。飲品方面叫咗杯翠玉奶香綠茶少甜，茶底清新，帶微微奶香，好岩用嚟配雞蛋仔同埋格仔餅。見到好多人都嗌朱古力，下次都要試埋朱古力雞蛋仔先🤩