Goobne Chicken (The Hart)

營業中

休息中

呢日同朋友出左尖沙咀睇聖誕燈飾，朋友話想食炸雞，於是就上網搵下附近邊度有炸雞食，見到Goobne Chicken出左熱浪味炸雞，覺得好有興趣，所以就嚟呢度試一試。 本身其實都好中意食熱浪，所以非常期待，一入到餐廳坐低見到餐紙上面就係熱浪味炸雞嘅廣告，另外仲有馬蘇里拉芝士球，所以就唔使諗，決定叫呢兩樣。 熱浪味 Chipken（無骨）$228.0無骨好方便，用叉食就可以，熱浪味帶微辣，刺激味蕾。亦炸得香脆，唔會厚粉，肉質炸完仍相當嫩滑，亦相當juicy。配上酸蘿蔔，可以減低炸雞的油膩感。仲可以點yobling醬，帶微酸，可減低少少辣度，有另一番風味。 馬蘇里拉芝士球 $55.0馬蘇里拉芝士就係拉絲的口感，可以拉到好長，好過癮，很煙韌，果然同餐紙上介紹寫嘅一樣，嚼勁十足，軟軟綿綿，達到外脆內軟的口感。芝士味道香濃，帶有鹹香。 芒果沙冰（少甜） $58.0夠哂冰凍，少甜亦都唔會酸，很適合配炸雞，減低熱氣感覺。 本身都有少少驚唔夠飽，不過炸雞係肉，熱量都比較多，所以原來兩個人都食得飽。呢間炸雞店其實都開左好耐，而且我都喺其他分店食過幾次，不過餐廳仍然會為客人帶來新口味同新驚喜，值得一讚。