.
而家買兩個午市套餐，第二個有7折優惠，超抵食！
.
🌟新加坡排骨蝦麵
可以揀湯麵或者撈麵，又可以揀米粉、油麵或者雙拼，蝦肉新鮮彈牙，排骨肉多又嫩，燉到輕輕一夾就骨肉分離，份量十足！湯底蝦味濃郁但唔會過鹹，加埋通菜，爽脆清甜，多重口感，食到好滿足！
.
🌟肉骨茶
排骨份量多，燉到筷子一掂就散，肉質嫩滑又吸晒湯汁，湯底胡椒味超濃郁，配油炸鬼浸湯三秒，吸滿精華，外軟內酥，超夾！白飯乾身粒粒分明，加湯撈飯一流！
.
🌟咖椰吐司
經典南洋早餐，多士烤到脆卜卜，夾住冰凍牛油，一咬落去咖椰醬香甜濃郁，同微鹹嘅牛油完美融合～外熱內冰、外脆內滑嘅口感超邪惡，好食到停唔到口！
20
1
