之前weekend晚市時間見到餐廳出面大排長龍，就知呢間新加坡米芝蓮推介既餐廳名不虛傳。今次平日晚市時間終於試到天天海南雞飯啦🤗
二人套餐$499 有好多野食😳
不過試新餐廳我通常試多d佢既招牌菜😌 所以我無揀套餐
🔶天天海南雞（中份）🤩必食推介
香港分店跟足新加坡總店製法，只用皮下脂肪少的白羽肉雞，所以雞皮爽滑，爽口又零脂肪，口感非常嫩滑，即使係雞胸位都唔會鞋嫁🤩
配上特製雞汁，再沾上辣椒醬，真係一啖接一啖停唔到口呀！😋
依家睇番張相都想去食多次啦😝
評分： 😋😋😋😋😋（5個為滿分）
🔶雞油飯 🤩必食推介
食第一啖雞油飯，忍唔住「嘩！」左出黎！🙈 怪不得名廚Gordon Ramsey都讚不絕口啦！
雞飯之王絕對無得輸！原來呢個雞油飯係先炒香蒜同斑斕葉等等，再放湯同放，炒15分鐘至收水，令每粒米都可以吸收到材料同湯既精華😍 真係不得了！
評分： 😋😋😋😋😋（5個為滿分）
🔶 黑松露墨魚蝦多士 🤩必食推介
我最中意香口菜式，我二話不說就點呢個蝦多士！炸得香脆但不帶半點油，中間既墨魚滑好足料，配埋黑松露醬同大量既蔥同木魚絲，食多幾件都唔會好膩❤️ 一個字正👍🏻
你睇下中間既墨魚滑幾足料😍
評分： 😋😋😋😋😋（5個為滿分）
🔶青檸汁蒸鱸魚
熱辣辣既明爐蒸鱸魚，青檸汁微微酸帶點香辣，好好送飯呀🤗
評分： 😋😋😋😋（5個為滿分）
🔶火焰椰子冬蔭公湯
呢個好打卡able, 所以一於點黎試試🤣 海鮮新鮮，蕃茄味比較重，開胃之選！味道偏辣！只係食bb辣既朋友要注重嚕😊
評分： 😋😋😋😋（5個為滿分）
最後，餐廳仲會提供一壺伯爵茶☕️
PS 原本友人剛到餐廳時話比較飽，因為佢午餐食滯左😵💫 我話大件事我叫左好多野食wor!😱
點知最後d野太好食，佢食得仲多過我🤣 我哋捧住個肚走😌 又一個盡興既晚上❤️
