Chatterbox Express (已結業)

第三次食呢間新加坡人氣海南雞飯。還記得第一次係在尖沙咀K11 Musea分店食。得知太古城開左快餐Express分店後，都前後嚟試食過。太古城店採用快餐店形式，自己搵位，然後出counter落單，或者可以透過素描餐桌上嘅QR Code手機落單，非常方便。今日仍然係叫咗招牌海南雞飯$108，包餐湯，油飯同跟一杯飲品。落單後唔夠5分鐘，就有職員將餐點送上。雞肉尚算嫩滑，不過食落冇第一次感覺咁驚艷，值唔值呢個價錢就見仁見智。太古分店飯時間非常多人，經常有長長嘅人龍係餐廳外等候，想食嘅人記得要早少少到。仲有少少唔鍾意嘅係餐廳座位有啲迫，與鄰座嘅距離非常近，中間又冇隔板，始終仲係疫情期間，有啲擔心。