影片
更多
2023-07-15
42 瀏覽
係葵興KCC開咗間新cafe餐廳, 係地鐵站沿天橋行過去便可以, 超方便。全餐廳都係木枱木櫈為主, 仲有一幅好大植物牆襯托住店名, 全個環境簡約時尚, 好有文青feel, 好舒服。另一邊有高嘅吧枱全單向落地大玻璃, 透光開揚。Dinner Set ($188)晚餐套餐嘅頭盤我揀咗巴馬火腿凱撒沙律🥗, 份量都幾多, 係開胃嘅好選擇, 新鮮嘅生菜配上凱撒醬, 再配埋巴馬下火腿嘅咸香, 味道好美味。另一個餐嘅頭盤要咗南美香料雞塊, 雞粒炸得口香又熱辣辣, 仲有啲辣香料調味再配埋芥末醬食, 好惹味, 份量又夠多, 抵食。👍🏻👍🏻原先套餐配有餐湯及蒜蓉法包, 但我地食得太飽, 所以冇要。無激素雞肉羅勒忌廉意大利飯呢個飯🍛大大碟, 仲整得好靚, 飯唔會好淋, 食落去係粒粒分明, 每粒飯都吸哂個汁嘅味道; 醬汁係加咗羅勒煮成嘅忌廉汁, 味道特別, 再加埋芝士同飯都非常夾, 芝士🧀仲有拉絲效果, 佢個芝士同個汁又好夾, 係廚師用心烹煮出嚟。配上菇及無激素雞肉, 好味得來又為食客健康都諗埋, 啱哂奄尖想嘅我呀。香煎深海大蝦盲曹魚配龍蝦汁(加$50)魚柳外皮煎到脆卜卜, 鎖住魚嘅肉汁, 兩大件魚柳都非常嫩
Dinner Set ($188)
晚餐套餐嘅頭盤我揀咗巴馬火腿凱撒沙律🥗, 份量都幾多, 係開胃嘅好選擇, 新鮮嘅生菜配上凱撒醬, 再配埋巴馬下火腿嘅咸香, 味道好美味。
另一個餐嘅頭盤要咗南美香料雞塊, 雞粒炸得口香又熱辣辣, 仲有啲辣香料調味再配埋芥末醬食, 好惹味, 份量又夠多, 抵食。👍🏻👍🏻
原先套餐配有餐湯及蒜蓉法包, 但我地食得太飽, 所以冇要。
無激素雞肉羅勒忌廉意大利飯
呢個飯🍛大大碟, 仲整得好靚, 飯唔會好淋, 食落去係粒粒分明, 每粒飯都吸哂個汁嘅味道; 醬汁係加咗羅勒煮成嘅忌廉汁, 味道特別, 再加埋芝士同飯都非常夾, 芝士🧀仲有拉絲效果, 佢個芝士同個汁又好夾, 係廚師用心烹煮出嚟。配上菇及無激素雞肉, 好味得來又為食客健康都諗埋, 啱哂奄尖想嘅我呀。
香煎深海大蝦盲曹魚配龍蝦汁(加$50)
魚柳外皮煎到脆卜卜, 鎖住魚嘅肉汁, 兩大件魚柳都非常嫩滑, 一啲都唔腥, 有少少香草味, 好食。上面有隻大蝦🦐煎得好香, 又彈牙, 用足料, 配埋薯菜, 好豐富。
冰鮮果紅茶 / 凍柚子蜜 及雪糕甜品
跟餐有冰鮮果紅茶 🍹/ 凍柚子蜜🍹。雪糕係朱古力雪糕, 味道香濃又幼滑。
張貼
