影片
更多
2025-04-01
640 瀏覽
位於石塘咀山道93號地舖嘅"廿一由八"，真係香港大學站附近嘅隱世瑰寶！喺港大站MTR A1出口出嚟，過條行人天橋行3分鐘就到，超方便。由本地木工傢俬工作室起家，成間舖都係自家設計，連店名都好有心思——「廿一由八」係由創辦人姓氏「黃」拆開而來，「廿」「一」「由」「八」象徵木材由零散拼成成品，帶點詩意同哲理，幾有格調！店內全用優質木製桌椅，簡約日式文青風，木系傢俬配自然光，氣氛輕鬆又舒服。每張凳既設計都唔同，單係欣賞佢哋嘅傢俬已經夠有趣，感覺好似置身設計展覽咁！咖啡店部分由一位法國藍帶廚師主理。無論環境定食物，都感受到職人嘅用心同溫暖。🍝香炒雜菇蘋果扁意粉配發達芝士 $128呢個扁意粉真係要大推特推！🙌意粉煮得al dente，彈牙有咬口，每條都掛滿獨特嘅醬汁，清新、清甜，完全唔似傳統carbonara或者蕃茄醬嘅濃膩。入面有雜菇、新鮮蘋果粒同蘋果乾，蘋果嘅甜味同菇類嘅鮮香混搭出奇妙火花，食落清爽又回味無窮，味道特別到我想即刻encore，超級推介！🍝✨🍔 進擊嘅美式孖醬炸雞漢堡 $148漢堡夠霸氣！炸雞扒超大塊！外脆內嫩，配咗青島醬同沙律醬雙重滋味，仲有紅蘿蔔絲同紫椰菜，口感同顏色都好豐
由本地木工傢俬工作室起家，成間舖都係自家設計，連店名都好有心思——「廿一由八」係由創辦人姓氏「黃」拆開而來，「廿」「一」「由」「八」象徵木材由零散拼成成品，帶點詩意同哲理，幾有格調！
店內全用優質木製桌椅，簡約日式文青風，木系傢俬配自然光，氣氛輕鬆又舒服。每張凳既設計都唔同，單係欣賞佢哋嘅傢俬已經夠有趣，感覺好似置身設計展覽咁！
咖啡店部分由一位法國藍帶廚師主理。無論環境定食物，都感受到職人嘅用心同溫暖。
🍝香炒雜菇蘋果扁意粉配發達芝士 $128
呢個扁意粉真係要大推特推！🙌
意粉煮得al dente，彈牙有咬口，每條都掛滿獨特嘅醬汁，清新、清甜，完全唔似傳統carbonara或者蕃茄醬嘅濃膩。入面有雜菇、新鮮蘋果粒同蘋果乾，蘋果嘅甜味同菇類嘅鮮香混搭出奇妙火花，食落清爽又回味無窮，味道特別到我想即刻encore，超級推介！🍝✨
🍔 進擊嘅美式孖醬炸雞漢堡 $148
漢堡夠霸氣！炸雞扒超大塊！
外脆內嫩，配咗青島醬同沙律醬雙重滋味，仲有紅蘿蔔絲同紫椰菜，口感同顏色都好豐富。
🍰香梨薑黃吉士蛋糕 $58
蛋糕香甜軟綿，薑黃同梨嘅味道好夾，食落清新又有層次，文青感十足。
☕️🧊Strawberry Cold Brew
好有果香、香甜既cold brew，
上面加左小小氣泡水，
清甜又醒神！
☕️combo sets
combo都係「一黑一白 」，
1杯Espresso+1小杯Latte,
有得揀fruity，
my favorite ❣️🩷🥰
總評📝：廿一由八唔係普通cafe，食物質素直逼高級西餐水準！特別大推蘋果扁意粉💯
我呢個咖啡精都滿意呢度既咖啡✅️
傢俬同環境都充滿設計感，文青、有格調✅️
人唔多，有悠閒憩靜嘅感覺✅️
信我，值得一試！❣️
張貼
