西關老祖 (文苑樓) (已結業)

小食店一直俾我嘅感覺都係殘殘舊舊，但喺佐敦嘅舊街頭，有一間別樹一格嘅文青小店！而店舖賣既係港式小食，而且價錢都非常親民！🍡西關瀨粉 （自家製） HK$15西關瀨粉係廣東嘅特式小吃，呢個米漿湯底由冬菇，蝦米同豬油渣碎所熬製！仲可以選擇原味菜脯或者辣味菜脯，因為辣味菜脯始終比較惹味，所以同西關瀨粉一齊食會無咁清淡😂😂🍡爆炒XO醬蘿蔔糕 HK$38蘿蔔糕好香好足料，口感唔會好粉而係好扎實，同XO醬一齊爆炒入哂味辣辣地，令人想一食再食🤤🍡港式混醬腸粉 HK$15腸粉口感比較實，配埋甜醬麻醬真唔錯！🍡自家製即磨豆漿 HK$20豆漿微糖好有豆味！而且用樽裝好環保！