影片
更多
2021-11-04
43 瀏覽
鹽酥雞扒滷肉飯 $59去到台式餐廳就梗係要叫個滷肉飯啦，呢度嘅滷肉飯份量比香港普遍嘅餐廳都要多👍🏻平時嗰啲我通常食完都係唔夠飽🥲至於呢度嘅鹽酥雞扒就真係呢餐嘅MVP🏆雞皮炸得好酥脆，皮同肉都好入味，重要係有2塊大雞扒🥰 $60都唔使就食到咁嘅份量真係好難得👅三盛紅燒牛肉麵 $75呢個牛肉麵入面有三款唔同嘅牛，包括牛腩、牛、同埋牛丸🐮首先講吓佢嘅湯底先，佢嘅湯底唔同其他舖頭，佢係有少少辣味，食落好開胃🙈呢度嘅台式麵係偏幼身，都算幾爽口。而呢度嘅牛丸係非常之冧，係冇咁彈牙㗎啦，但係都唔代表唔好食，佢比較似係越南粉麵入面嘅牛丸，牛肉味好香🤤而呢度嘅牛同牛腩都係炆得好琳好入味，如果想一次過滿足晒食三種牛產物嘅願望，就記得點呢個牛肉麵啦👍🏻香濃珍珠奶茶 $28台式飲品普遍偏甜，所以我地叫左嗰微糖珍珠奶茶，再加咗個奶蓋❣️其實微糖就已經十分之夠甜，不過每個人飲甜野嘅標準都唔同🥶如果唔鍾意甜嘅話記得要走甜🥵呢度嘅奶茶奶香味超級重😚珍珠亦都好彈牙可口，奶蓋嘅味道同出邊嘅唔同，佢冇太濃嘅芝士味，但係反而係一個好易入口、好啱做襯托嘅奶油味🤤奶蓋愛好者就唔好錯過啦🙈芒果純鮮奶 $29從來冇諗過芒果冰沙加鮮
鹽酥雞扒滷肉飯 $59
去到台式餐廳就梗係要叫個滷肉飯啦，呢度嘅滷肉飯份量比香港普遍嘅餐廳都要多👍🏻平時嗰啲我通常食完都係唔夠飽🥲至於呢度嘅鹽酥雞扒就真係呢餐嘅MVP🏆雞皮炸得好酥脆，皮同肉都好入味，重要係有2塊大雞扒🥰 $60都唔使就食到咁嘅份量真係好難得👅
三盛紅燒牛肉麵 $75
呢個牛肉麵入面有三款唔同嘅牛，包括牛腩、牛、同埋牛丸🐮首先講吓佢嘅湯底先，佢嘅湯底唔同其他舖頭，佢係有少少辣味，食落好開胃🙈呢度嘅台式麵係偏幼身，都算幾爽口。而呢度嘅牛丸係非常之冧，係冇咁彈牙㗎啦，但係都唔代表唔好食，佢比較似係越南粉麵入面嘅牛丸，牛肉味好香🤤而呢度嘅牛同牛腩都係炆得好琳好入味，如果想一次過滿足晒食三種牛產物嘅願望，就記得點呢個牛肉麵啦👍🏻
香濃珍珠奶茶 $28
台式飲品普遍偏甜，所以我地叫左嗰微糖珍珠奶茶，再加咗個奶蓋❣️其實微糖就已經十分之夠甜，不過每個人飲甜野嘅標準都唔同🥶如果唔鍾意甜嘅話記得要走甜🥵呢度嘅奶茶奶香味超級重😚珍珠亦都好彈牙可口，奶蓋嘅味道同出邊嘅唔同，佢冇太濃嘅芝士味，但係反而係一個好易入口、好啱做襯托嘅奶油味🤤奶蓋愛好者就唔好錯過啦🙈
芒果純鮮奶 $29
從來冇諗過芒果冰沙加鮮奶可以咁夾🤤。而半糖嘅甜度啱啱好，唔會太甜影響芒果同鮮奶嘅味道又唔會淡而無味。十分推薦！💯
最後！環境非常舒服，座位後面有啲書可以睇📚，就好似置身文青cafe咁🤓。如果各位有機會黎，一定要試下個鹽酥雞扒滷肉飯呀！！🔥🔥
張貼
