NINETYs (星光行) (已結業)

誠品睇完書有咩好做，梗係黎呢度食coffee shop，文青weekend 必備節目。餐牌有好多類咖啡既選擇，朋友之前都推介過，一睇就知高質之選。晚餐主菜款式都唔小，我地首先叫左慢煮三文魚配蕃茄意粉。慢煮三文魚超級好味😋～～十分juicy，外皮又夠香口。再黎叫左佢地既piggy piggy，以豬腩肉做主菜，豬腩肉夠晒香夠晒油，燒到一放入口就香味四溢，所以佢地都好貼心，用左較為清淡既小麥粥做配菜，囉返個平衡。燒春雞就梗加今晚重點之一，配菜竟然有香滑炒蛋、薏米飯同埋非常小見既purple kale。purple kale加上小小source 就已經非常好食，炒蛋好滑，最重點既春雞，外香內juicy 。呢餐晚餐絕對非常盡興。最尾仲有個蟹肉芝士pizza，味道好香，配料都算多，但唯一就係未夠脆。但都十分好味。因為食飯時間都算晚，就叫杯non-coffee既black latte 試下，以竹炭、椰奶等沖出黎，味道清香，作為飯後飲品都算舒適。女朋友就叫左杯fruity latte，我都偷偷飲左啖，好好飲，佢好貼心，跟左3粒杏仁送咖啡，去完誠品睇完書，不彷過黎試試佢。