CoCo壹番屋 (新港中心)

營業中

休息中

尖沙咀新港Coco壹番屋鋪頭門面都幾難搵，如果唔係朋友係呢頭返工都唔知係邊。係三樓it隔尼。夜晚七點幾星期三都咁多人等，唔通真係好好味？！等左大半個中，三人位要過半數先入得。等到肚餓了。企係出面既時候希望唔好俾個啲面對木板既面壁思過位我地打橫坐，唔係點傾計呀。好彩有卡位，叫左兩個咖喱鷄同一個咖哩豬，三個人叫左唔同既辣度，一個唔辣，一個一分辣(正常辣)，一個二分辣(小辣)。問個侍應如果小飯即係幾小度，佢手勢都好似幾小，黎左原來都唔小，普通女仔應該都飽，嗌正常飯又太多，男仔就岩食。唔辣真係無咁好食，珍珠米撈埋咖喱真係好夾！炸豬扒都正常好味，雞扒我無食到，不過見朋友食哂應該都唔錯。下次我食應該會食一分辣，食唔到辣既我都接受到。我地跟餐叫多左野飲同雪糕，有一個就叫左野飲同刨冰。我叫左蘋果汁，係同飛機上既一樣。雪糕係dreyer's既oreo同士多啤利味，無得揀既，不過oreo好好味但溶得勁快。等個刨冰等左好耐，望住佢擺啲冰入部機都刨，刨得勁大杯，不過佢禁得太實，連朋友超勁中意食刨冰都無食哂，禁得太實唔好味。仲要個刨冰係要加錢先有。整體黎講野食不錯，下次會試一分辣。