澳洲牛奶公司

營業中

休息中

上個禮拜，唔知點解好想黎呢間食。呢間食過好幾次，炒蛋令我有好深既印象，真係太好食。而且效率又高，雖則真係無服務可言。叉燒意粉叉燒既份量好似小左，但味道都唔差既。而個意粉整得好爽口，食到一條不漏，因為實在好正。而湯就係金寶忌廉湯。炒蛋、火腿、多士真係好味，又香又滑，令人難以抗拒架。而火腿就無乜特別。多士就係好味既厚多，牛油又唔會搽得太多。又脆口既多士，真係太正。熱奶茶好有茶味，奶既份量就好。真係好好飲。凍燉蛋好有蛋味，又夠滑，真係好味。雖然成十八蚊一碗，但都係好值得食。我最佩服佢地做野既效率，落完單半分鐘到就有野食。真係無乜餐廳做得到架，但食物既質素依然咁高。服務就無乜，有既只有效率。可見呢間野係香港既縮影。