澳洲牛奶公司

營業中

休息中

佐敦都有一間食茶餐好好好出名既但同焗豬無關係就係澳牛我係佐敦讀書果時已經成日聽到佢地個名網上亦都係臭名遠播但就真係一次都無去過而去果次已經係兩年前既事果時仲未開關香港仲係無乜支那人既狀態個名都係右至左果時平日夜晚門口唔洗排隊仲有阿叔出黎叫人入去食門口可以見到好多燉鮮奶人面客唔算多但係小二數目多到嚇死你咁好彩我地都有卡位坐唔洗搭檯餐牌係牆上面基本成間澳牛就係得呢三個餐下午就得番下面兩個其他都係野飲同甜品以前成日聽人講澳牛就等於西餐廳既代名詞但今日黎到發覺佢地都算正常不過係急同趕一坐低就問你食咩老婆對應到就無咩問題茶餐同快餐差別就係碗叉燒意所以我地都係叫左茶餐然之後就體驗到佢地既光速上餐成個上餐過程幾乎係一分鐘裡面完成仲要係幾個小二一齊上意大利人最憎既叉燒湯意可以轉通粉既食左幾啖就真係黑人問號到底係咩人會為左咁既野黎排隊呢然之後食完個炒蛋我就明白了個炒蛋真係真心好向左走向右走好食滑到不得之了可能我食得少酒店都食唔到餐茶凍飲加兩蚊咁中間發生左d事就係老婆打瀉左杯水我地咩都無講結果又係幾個小二沖過黎又抹又盛幫緊你幫緊你咁講完全無任何敵意唔知同武肺定廣東話有無關啦但就真係同我上網聽到既完全唔同最

Chef Ecy’s Dining Experience:🥰 Food | Ambience | Service | Price | Easy Access | Wheelchair | Easy Parking｜ Restroom Cleanliness🙂😠 Pet Friendly | Cake Cutting Fee | Corkage Fee這間茶餐廳我由細食到大，又係睇住佢旺，睇住佢加價。 只此一家並無分店！以前根本就冇咁多人去嘅，而家要排長龍先入到去。 一個字‘快’。 佢哋嘅餐單好簡單，最好食嘅就係炒蛋，多士，通粉！佢哋啲燉蛋燉奶都好出名㗎！佢哋係喺地舖門口好多咪錶停車。又或者坐巴士小巴都可以到。地鉄是佐敦站C2出口。洗手間也提供喺餐廳入邊，都可以的！

澳洲牛奶公司服務態度極差，價錢又貴，環境擠迫，等待時間超過半個鐘，未食完個餐已經逼人走，全港第一間服務態度極差，只得一次沒有下次沒有下次沒有下次沒有下次沒有下次

澳洲牛奶公司係一間充滿香港特色的茶餐廳 食物實而不華 服務亦都精而簡（😂）但其實哥哥仔們好多都好有人情味😊 有時唔忙嘅時候都會一齊吹幾句水對我嚟講 一個好味嘅常餐 最緊要係炒蛋夠滑 多士夠熱而且外脆內軟 而通粉湯濃而不膩 奶茶香滑不澀 澳牛就做到我心目中既Benchmark 雖然簡單但實在 非常符合香港茶餐廳嘅精神🇭🇰每次食完都會覺得有幸福嘅感覺 如果希望人流較少，坐得舒服建議可以在夜晚/下午茶時段前往 基本上都可以坐低慢慢靜靜享受😎

今日突然想食茶記，即時諗起佐敦澳牛。排隊係常見情況，尤其用餐高峰期。排隊過程充滿期待！呢間澳牛伙記通常動作很快，所以排隊時間唔會太長，建議你可以提前揀好食乜，等到你既時候就迅速點餐，享受美食！（記得餐飲食到一半先好嗌呀！）常餐叉燒濃湯通粉食通粉一定配無蜜汁既叉燒，情意結嚟！ 有蜜汁嘅留返比白飯啦！湯底依舊濃郁好味！另外呢度嘅奶茶都好香濃，有冇人知個茶膽溝咗幾多種茶葉呢？如果下次再嚟，我會選擇公司三文治同埋滑牛意粉試一試，雙皮奶其實都好期待，希望下次可以試埋啦！賣相：★★★☆☆口感：★★★★☆環境 ：★★★☆☆整體評分：★★★★☆澳洲牛奶公司 (佐敦)佐敦白加士街47-49號地舖

佐敦澳洲牛奶公司真係名副其實香港茶餐廳的代表，今次去食最經典嘅茶餐，依舊保持到水準，一入到去就感受到濃厚的香港氣息，環境雖然簡單啲同逼啲，但就係有種親切感。食物上桌嘅速度簡直係光速😂，我都好配合，用左10分鐘就ko咗成個茶餐！無論係個炒蛋定係奶茶，都係必試之選。鍾意茶餐廳味道嘅你或者想體驗真正香港茶餐廳嘅人絶對唔可以錯過呢度👍🏻👍🏻👍🏻👍🏻👍🏻📍叉燒湯意粉📍火腿煎雙蛋牛油方包📍唔使10分鐘就食完🤣

今日揸車做嘢去開佐敦又到食晏時間 去朝聖下傳說中嘅光速餐廳 買個外賣 門外好多人排緊隊 12:00 又揸住車 所以放棄咗坐低食 決定叫外賣 泊低架車喺門外面等錶位咁 去到先發現原來外賣冇得叫快餐 全部都要散叫 冇所謂啦 一次半次 一場嚟到 就點咗個蛋治烘底 叉燒意粉 喺門口落咗單 然後入去櫃面俾錢 錢都未俾 份餐已經做好 送到手上 食物一如既往嘅好 啲炒蛋好滑 叉燒意粉好夠熱 又夠味 侍應亦都唔會冇禮貌 企喺門口點餐嘅時候 都有耐性 解釋返外賣冇得點快餐 然後推介我食蛋治烘底 佢話又有炒蛋又有多士其實一樣

澳牛係我由細食到大嘅。雖然係好普通嘅茶餐，但係念著香港人香港地嘅情懷，我都會不時幫襯。我同友人2人用餐。點知我友人突然間身體唔舒服，頭暈作噁，食物又到了，我就問哥哥可唔可以打包。點知哥哥諗左一陣，大大聲話：「病嘅可以打包，你冇病嘅 冇得打包」。我心諗，我個朋友需要照顧，邊個幫佢拿袋？ 跟著冇人理我，我就默默地自己雞手鴨腳地不d通粉打包，好多謝隔離搭台姐姐幫我手。我唔明白點解唔可以兩個人都打包，我又唔係唔比錢。跟著食食下飯，另一位哥哥又爆曬粗口，公然鬧同事，火爆十足。更唔好彩係，我想埋單嘅時候yap左佢，佢火爆埋我一份。我冇同伙記埋單，唔知道張單已經sip左係我隔離，於是佢就大大聲對我呼喝「張單已經寫左啦！」講真，食餐飯食到唉x弟咁，講咩澳牛精神，狗也不x。今次係我咁大個人食到成肚氣嘅一餐。我真係好失望，依仲服務態度係今時今日係應該被淘汰。我唔會再幫襯，bye。

去尖沙咀剪頭髮，每一次都會順道去呢度食個早餐 今日星期六 10:20左右去到見到條龍已經轉咗彎好誇張有諗過唔排，但係又唔知去邊度食結果搏一搏啦我排隊開始，我真係入到去坐，我諗15分鐘左右啦 然之後食嘢用咗15分鐘最終11:05左右去到髮廊。估唔到咁長龍我都係需要15分鐘時間排隊。 或者係因為我一位嘅關係容易啲搭枱 毫無懸念，今日係食一個早餐，因為之前試過一次食佢嘅蛋治烘底再加杯嘢仲貴過食一個早餐。當然你散嗌一定貴過set啦。同埋好似好蠢咁大個早餐都有半份蛋治烘底啦。 🤭最啱我呢啲貪心嘅人，樣樣都想試吓早餐嘅質素都唔使講啦，佢已經standard 左。不過睇到一篇報道話其實炒蛋係要用好多油去炒㗎，唔好以為食份三文治健康啲，可能分分鐘仲Heavy過食碗沙嗲牛肉麵🫢真係咁誇張？

今日早上去左食，因為太耐冇食過，分不清快餐和早餐嘅分別，首先本身對鮮奶冇興趣，一定係熱咖啡，咁就嗌咗快餐要熱咖啡，點知食食吓法國圍枱三個人都有點火腿通粉，咁我就問侍應，可唔可以加個火腿通粉，當係早餐？佢話唔得，但價錢係一樣，x，我都費事問咁多，反正佢都唔會俾，但個餐牌設計出嚟有啲xx，x，啲嘢係好食，水準係唔錯嘅，但食得好急，食完又舒服咩？雖然見到好多人嚟幫襯，香港人就係咁，又或者香港地就係咁，有人話好食，就不斷有人嚟，咁呢樣食物又幾common，就等於腸粉魚蛋好多人都鍾意食，粉嶺聯和墟個四眼仔腸粉都成日好多人排隊，sorry講遠咗，總之真係要覺得好餓好餓先去食，咁就enjoy，如果真係有另一間舖頭賣佢嘅食物，坐得舒服啲，我諗好多人會寧願坐去舒服過度

好耐都冇食過，又咁啱見到冇人排隊，所以就入咗去。但侍應座位安排極差。我一個人、明明有其他位、係都要叫我坐喺水吧前邊頂住d伙記出入 👎🏻 仲有d炒蛋鹹到一個點，同夥計講咗，佢話之前反映過都冇用，因為唔同師傅炒喎 🤷‍♀️ $58 茶餐唔平架…作為一個香港人都係咁話，冇下次！

态度极度恶劣 -100没有耐性，臭脾气，态度很7差；问可不可以加奶，他还很串的反问你 那你是要加还是不要加，我都问了难道我问爽啊？烧过头是吗以前第一次来香港建议不要来这里，不然你会吃不完兜着气走。

呢個叉燒湯意粉，再加埋火腿奄列厚多士，係過去呢幾年我食過最有水準嘅一次。嗰個叉燒，係有肉味嘅，唔係深紅色頹廢嗰啲；牛油方包（吐司）、火腿雙煎蛋、叉燒湯意粉通通有，還可以選杯咖啡或茶。千萬要記得，點餐時把雙煎蛋換成炒蛋！雖然很多人都會說澳牛的態度差，但我來這用餐好幾次，倒是沒遇過態度差的狀況，如果真的很怕會被兇，點餐時動作快一點就OK啦！

晚餐時間都要排十幾人先入到去～不過唔係排好耐～🍽常餐🍽💰$58💰牛油方包：正常水準～火腿煎雙蛋：蛋幾滑～又燒湯意粉：正常水準～🍽蛋白燉鮮奶🍽💰$35💰好滑～奶味濃😋☕️熱奶茶：味道OK溫馨提示：服務態度真係好一般～不停俾壓力你～CP值：低味道：🈴

講起光速餐， 澳牛認第一冇人敢認第二。 今晚夜晚黑想食清清地， 好好彩見到澳牛出面冇人排隊， 就走咗入去。 一入到去店員態度好好， 又打招呼， 唔係出面講到店員咁冇禮貌。 入到去好有香港風情， 好特色。啲枱擺得好逼， 差唔多個個人都要搭枱。 我就即刻叫咗個茶餐， 唔夠30秒個餐就到咗。 原來個蛋真係好好食，好香好滑， 真材實料。 另外個多士都烘得好脆身， 好香牛油味。 個通粉都做得好好。 最後用咗15分鐘食呢個餐。 最重要係店員從來冇催過我交枱🤭🤭 呢間餐廳令我喜出望外， 下次經過都要再食！