1
睇完展覽啲黃金面具、木乃伊棺槨，真係好震撼！🤩 估唔到呢份神秘感，竟然可以延续到餐枱上！
🥗 旅程由一片「綠洲」開始！喺炎熱嘅「沙漠」中搵到一片清新，感覺超Fresh！傳統埃及菜所用到嘅鷹咀豆，加上新鮮沙律菜，為呢趟味覺探險之旅揭開完美序幕！
🔥 跟住出場嘅係充滿力量嘅「王權之火」！一啖咬落去，牛柳粒juice爆汁！🐂 燒過嘅菠蘿帶出焦糖甜香🍍，加埋fresh爆車厘茄🍅，酸甜鹹香喺口中交織，好有層次感，充滿熱情活力，果然有王者風範！
🏜️ 嚟到最最最期待嘅環節——甜品「沙丘蜜藏」！🍮 OMG！一上枱我同朋友都「嘩」咗出聲！😱 成個迷你埃及沙漠搬咗上碟！有齊金字塔同獅身人面像，像真度100分！📸️ 相機食飽先到我食！
個金字塔原來係芒果忌廉甜品，入口即溶，芒果味超香濃，甜而不膩。旁邊嘅「沙丘」係堅果碎，撈埋一齊食，口感非常豐富！最精緻嘅係個金色嘅獅身人面像，精緻到我真係唔捨得食啊！😍
