川味雞烤魚大王 (隆亨商場) (已結業)

食肆終於都可以收夜少少，已經唔知道幾多個月冇同朋友聚餐，今日終於忍唔住約出嚟嘆番條靚魚先講！一早已經訂定枱，其實呢間食過好多次，個人覺得好食，氣氛輕鬆，員工服務態度又好希望佢哋可以一路做落去我鍾意食佢哋嘅麻辣多個酸辣，嘢味同香好多！而且我平時食開鉗魚，經阿姐介紹話鯇魚仲更加配個汁，一於信佢一次！條魚配個麻辣湯更加能夠突出香濃既魚肉味！食得好過癮！而且個麻辣汁都配左啲酸菜喺度越滾麻味同酸菜味越香濃，送埋啤酒一流！另外我哋加咗個魚皮中辣 魚皮爽滑彈牙而且唔腥，夾住啲薑同青瓜絲一齊食爽鮮而不油膩好期待遲啲疫情再好啲 約多啲朋友出大吃一餐