Hungry Monkey (金朝陽中心二期 - Midtown) (已結業)

放工後相約朋友去飲酒食串燒。銅鑼灣區選擇都算多，見到呢間餐廳有吧枱有普通座位，傾偈飲嘢較隨意，感覺舒服！叫咗啤酒，天氣開始，熱飲啤酒好爽！食物分別叫咗唔同款式。海鮮類揀咗鐵板帆立貝及燒蠔。帆立貝煎得幾金黃，而且有調味。大大粒有水準！燒蠔望落個樣普通，但係食落味道有驚喜！好有鮮味，飽滿多汁，飲啤酒食好正！叫咗個廣島燒相對地飽肚，好似日式燒餅咁。有叉燒、臘腸、芫荽、蝦米及肉鬆，係日式做法，但係港式材料，好特別！最後叫咗鴨肝炒飯，份量都幾多。炒飯夠乾爽，粒粒飯炒得好分明，唔錯！飲下酒，每樣食啲，好滿足！