Pickabowl (D2 Place ONE)

營業中

休息中

好耐無放假去街，難得去荔枝角D2place，就梗係要去試下前排好hit嘅健康魚生刺身。佢選擇好多，真係揀唔到！選擇困難症嘅就可以揀餐廳set好左嘅飯，但都有成A-S比你揀。朋友揀左H。而我樣樣都都試啲，就揀左佢diy自選嘅set。經典三文魚。三文魚入口有淡淡嘅醬油味，配埋三文嘅油脂真係啱啱好！上面仲有紫菜同芝麻，好香口。經典吞拿魚。吞拿魚嘅配料同三文魚一樣，但吞拿魚同芝麻好夾，食曬成份都唔會膩。西班牙蒜油熟蝦。熟蝦肉質彈牙，味道較淡，入口有陣陣嘅芝麻香。慢煮雞胸。雞胸肉質比想像中老，可以再整得嫩啲。西班牙蒜油八爪魚。最欣賞嘅係個八爪魚！口感有啲似食緊冷麵咁，好爽口彈牙，而且份量都好多。飯底。我揀左白飯底，但食落入面有青椒、黃椒、紅椒、菠蘿同青瓜等等，好清新！可以中和左魚生嘅膩。