Pickabowl (D2 Place ONE)

放工之後同同事一齊嚟食，大家都想輕鬆又健康啲。揀咗蒜香熟蝦，真係一試即愛😍！蒜香熟蝦真係必點之選🦐✨！蝦肉新鮮彈牙，調味啱啱好，蒜香滲透但唔會搶走鮮味，每一口都好滿足。配白飯或者糙米都一樣咁正🍚，食落去仲覺得越嚼越香。呢款真係可以話係全碗嘅亮點之一，令人忍唔住想再加一份。真心覺得係 Pickabowl 嘅招牌之一，下次嚟一定會再食返！💯…查看更多

第一次試呢間poke bowl，價錢算合理，比起有某D其他鋪頭都算平，有fix左或者自己搭配。今次就叫左自己搭配既。1肉類+ 1海鮮係$98，之後再有一個topping同一個主食。叫左天多利鷄、蒜香熟蝦、wasabi山藥、半薑黃椰菜花半糙米。天多利鷄酸酸地微微辣，幾開胃，但慢煮鷄胸唔夠嫩滑。大推蒜香熟蝦，好惹味、又彈牙。wasabi山藥好清新同有咬口、呢個好少地方有，推薦叫呢個topping。薑黃椰菜花本身係生既、所以有少少草青味、不過加左薑黃會好少少、糙米飯不錯。…查看更多

本人雖然鐘意食野，身形都非常龐大🥴🥴🥴但其實最最最首選都係淡味同素食，有時食素食淡唔代表唔好食，就好似食壽司，我喜歡同一款食物，1件原味1件點豉油芥末，咁樣，原汁原味鮮味我知道，我感受到，配搭醬汁所演變出黎既味道同感受我都會知道環境❤️❤️❤️❤️❤️簡約輕格調裝修，簡單得黎感覺好輕鬆而有特式，會有種優閒感衛生❤️❤️❤️🤍🤍其實門面同裡面都好乾淨整潔，感覺一d都唔污糟，但邊食邊有1，2隻細少蚊滋/烏蠅仔飛過，所以扣左呢度2個心心，整體上冇不良感受既。其實好多食肆內都好難避免呢類問題，有d食肆甚至會有米奇🐁🐁🐁呢個好睇食肆本身，商場或管道等各方面，但呢一個例子我認為好個別既服務❤️❤️❤️❤️❤️服務我認為係好好既，剛開始我睇唔明餐牌，員工好有耐心同笑容為我講解。用餐方式都係半自助，自己取餐，自己斟水，但唔算麻煩，又順暢既。亦有員工時常出黎收拾餐桌。其間就係不慎有蚊滋仔飛入我碗飯內，當我拎去想換過一碗時，第一位接觸我既員工想問清楚情況，雖然我並未覺得冒犯，但第二位員工二話不說提出補回我食完既份量，十分爽快要比個感受立即升級（如果補回原份更開心🤣）食物❤️❤️❤️❤️🤍我叫既組合係雞肉，三文魚，泡菜，蛋黃醬配白、糙米半半，雖然有蛋黃醬，但佢味道依然係偏淡，如果唔係加左泡菜，相信唔食開淡口既人會稍嫌冇味，但三文魚既鮮味係直達腦部，呢點非常讚👍👍另外，飲品堅果奶我非常鐘意，感覺健康又好味，顏色仲好令人愉悅添，但我比較愛甜，如果我鐘意得甜度都應該比正常高少少於我，我係非常愛既。但抵食呢點。。。相信真係要想享受時間慢慢嘆既人先會去食，唔係唔值，但係香港呢個時間急速，競爭力咁強，樣樣鬥平既地方，真係要願意花錢花時間先識欣賞呢股清泉🤔總括，絕對會再食（荷包夠漲既時候）致Openrice審核：第1：此食評是好評，我亦根據真實用餐過程而寫，為何要我改做試食活動？第2：餐廳即時對我的問題作出反應，我是很讚賞的第3：收據在我上傳的照片中請不要再沒看清楚我的評論就彈回我的食評，謝謝]]]]]]]]]]]…查看更多

平時食開嘅健康餐廳今日冇開，所以就選擇咗呢間試吓，不過價錢都差好遠，當然質素都唔同，呢間係比較多款式選擇同埋口味比較豐富，感覺另外一健康餐廳更重口味，當然更加好食啦！有三文魚，雞，蝦可以選擇做蛋白，然後一定會有的蔬菜，之後可以選擇白飯糙米飯或者菜，一個bowl已經足以飽到嘔，真係好食嘅，但真心價錢比較貴，大概150左右連埋嘢飲，但係試咗個椰子咖啡好後悔，唔好飲好奇怪⋯下次應該都會去返之前嗰間，都係因為冇開先嚟呢度試吓，相對嗰間比較更加健康…查看更多

今日同四位同事食lunch，大概1:30去到，現場夾埋我哋有六個客人，用手機落單之後開始等。15分鐘之後其中一位同事覺得好耐所以走去問點解咁耐，根本上嗰兩位店員係未開始做我哋嘅單，呢位同事問完嗰兩位店員開始黑面，佢哋喺做order嘅時候係刻意好大聲咁放低啲盤，係嘭嘭聲，用工具夾食物嘅時候都係刻意撞到啲邊位，製造好多不必要嘅聲浪，相信係表達比同事催促之後嘅不滿。好難相信有呢一種前線嘅工作人員，呢間餐廳係整潔食物質素唔係差，可惜店員嘅態度我不敢恭維，我唔會推薦俾朋友，自己亦永遠都唔會再進入呢間舖頭。嘢食幾好都冇用，店員連基本嘅行為都有問題，百幾蚊一個午餐食完都背脊骨落。食物質素係要好，店員都係非常重要。…查看更多