Tagline Restaurant and Bar (已搬遷) 新店位置

平時香港都好少接觸到專食印度菜嘅餐廳，但係呢一間餐廳有別於普通嘅印度餐廳，佢嘅裝潢或者服務都比較高級，而且食物嘅種類亦都特別多，佢哋餐廳嘅佈置亦都好有印度嘅風格，成間餐廳坐落去除咗舒服之外，亦都有唔少唔同國家嘅人嚟用膳！當日我同朋友兩個就嗌左hummus，當時侍應好推介我哋試吓呢一款印度菜，含有豐富嘅蛋白質，而且配埋佢哋嘅薄餅，食落去有啲似Yogurt，但係又有少少鹹鹹地嘅味道，佢個味道都幾夾。我地都嗌咗一個主菜就係mixed grilled，入面有雞羊牛三款肉類，亦都有薯條，佢哋嘅牛肉我覺得整得最好，燒得好入味，個面仲要脆脆地。而我哋嗌多咗一個佢哋嘅truffle chicken with grilled bao bun。佢地嘅bao bun就好似我哋平時食嘅刈包咁，入面夾住左有黑松露香味嘅雞肉， 呢一款 菜式比較乾身，所以可以點埋印度咖喱同埋一齊嚟食！最後最後一定要點佢哋嘅芒果汁，佢哋嘅飲品方面亦都做得好出色！呢個芒果汁完全飲得出係冇加糖冇加水個種，飲落去好有smoothie嘅感覺。