影片
更多
2024-11-04
208 瀏覽
平時好鍾意食蛋糕同撻嘅我有日喺社交平台碌到呢間小店，見佢新出咗葡撻仔幾吸引就order咗一份。工廠區唔難搵，但上到去原來冇現貨蛋糕睇，所有蛋糕都要提早兩日網上落單，每日新鮮製造。葡撻有三種口味：原味、開心果、鹹蛋，後面兩款都比較特別！😍店主建議140度焗4分鐘左右再食~焗緊嘅時候已經聞到酥皮嘅香味！花花酥皮好靚，切開時酥脆鬆化，一層層嘅口感相當有層次。原味蛋香味濃郁，入口順滑，口感濕潤，帶有少許焦香味，重點係唔會好甜！開心果迷對開心果撻表示相當興奮，食落開心果味濃郁，再配上粒粒嘅口感非常夾。最後係鹹蛋口味，平時食鹹蛋嘢最怕油膩，但係呢個蛋撻一啲都冇。唔油膩之餘鹹蛋味亦唔會過鹹，調校得啱啱好，鹹香加蛋香，真心唔錯！三個撻嘅甜度都唔太甜，非常適合鍾意健康嘅人士！見佢啲蛋糕都係主打低糖、無防腐劑、無麩質，見店主好細心又有心思，下次都可以試吓！😍
工廠區唔難搵，但上到去原來冇現貨蛋糕睇，所有蛋糕都要提早兩日網上落單，每日新鮮製造。
0 瀏覽
0 讚好
0 留言
焗緊嘅時候已經聞到酥皮嘅香味！花花酥皮好靚，切開時酥脆鬆化，一層層嘅口感相當有層次。
6 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
見佢啲蛋糕都係主打低糖、無防腐劑、無麩質，見店主好細心又有心思，下次都可以試吓！😍
張貼
