火鍋撚 (染布房街) (已結業)

咁熱我仲以為冇乜人打邊爐，點知嚟到都成七八成入座率！第一件事梗係搞下個調味盤，有麻醬、炸蒜芫荽香蔥等等～主打台式火鍋～湯底有幾款，心大心細貪心仔揀咗個龍鳳鴛鴦鍋：台式古早沙嗲麻辣鍋 + 媽媽滋補老火湯鍋麻辣湯底滲出淡淡嘅沙茶香味，入邊仲有蜂巢豆腐同埋鴨血。台式麻辣係以香味為主，唔會好辣。而老火湯首先飲咗一碗先☺️係清甜，真係有媽媽煲嘅味道又足料，有瘦肉蘿蔔螺頭等等嘅湯料火鍋撚御用手切肥牛牛肉是必須點嘅！輕輕淥一淥就食得，軟腍牛肉味濃。仲有另一款安格斯肥牛，嗰款賣相一流！下次試！涮羊肉片羊肉少少肥，羊羶味配麻辣係最好食😋所以食麻辣一定要有羊！即炸三秒響鈴卷即點即炸脆卜卜，浸一浸索下湯就食得～ 入邊依然鬆脆黑松露墨魚滑爽口彈牙😋有淡淡嘅黑松露香味另外仲叫咗鵝腸、黑柏葉、魚唇等等嘅火鍋料，如果想盡用個沙嗲麻辣湯底，除咗響鈴之外我仲推薦大家叫老油條（即係油炸鬼）同午餐肉等等🤭🤭🤭最後仲送咗個腐竹糖水沙冰，滋潤一下喉嚨。留意番，呢個甜品嘅造型好古代，同佢哋嘅裝修非常之夾..！值得一提，細食又想試多啲款式可以叫半份☺️