影片
更多
2021-02-06
72 瀏覽
一年一度嘅情人節又到啦，今年剛好係新年，部分餐廳可能唔開，亦都唔想被逼揀情人節餐，所以決定預早一星期慶祝。由於要去旺角辦年貨，所以順便行遠少少去旺中帶靜嘅奧海城食飯，雖然佢地有假日set lunch，但係為左選擇更加有彈性，所以揀左a la carte。我地揀左兩個湯，兩個小食同埋一個主菜share食。龍蝦湯：龍蝦湯顏色呈橙紅色，聞落有好香龍蝦味，飲落好creamy，味道濃而不過鹹，湯中仲加入左爽口彈牙嘅龍蝦肉，飲落相當有口感。甘筍南瓜湯：甘筍南瓜湯方面相當重南瓜味，亦帶輕輕嘅甘筍味，味道濃郁，飲落香滑。香蒜辣椒白酒炒大蜆：白葡萄酒汁加左車厘茄、大蒜及辣椒去做湯底，再加入鮮大蜆去煮。湯底帶輕輕嘅酒味，入口唔太鹹，全部蜆亦都開晒殻，非常新鮮，份量亦比想像之中多。伴碟仲有迷迭香多士，唔怕肥嘅仲可以用黎點汁食添呀！香炸海鮮拼盤：海鮮拼盤有炸魷魚、蝦、白飯魚同軟殼蟹，炸物好夠火喉，亦都比我想像中無咁油，配上蒜泥蛋黃醬，係一道相當開胃嘅前菜。明太子軟殼蟹披薩：Pizza火喉剛剛好，配料有酥炸軟殼蟹、蝦肉、櫻花蝦同埋明太子醬，材料好豐富，軟殼蟹亦都好大隻，非常吸睛，整體味道亦都好夾。埋單每人都唔洗
由於要去旺角辦年貨，所以順便行遠少少去旺中帶靜嘅奧海城食飯，雖然佢地有假日set lunch，但係為左選擇更加有彈性，所以揀左a la carte。我地揀左兩個湯，兩個小食同埋一個主菜share食。
龍蝦湯：龍蝦湯顏色呈橙紅色，聞落有好香龍蝦味，飲落好creamy，味道濃而不過鹹，湯中仲加入左爽口彈牙嘅龍蝦肉，飲落相當有口感。
甘筍南瓜湯：甘筍南瓜湯方面相當重南瓜味，亦帶輕輕嘅甘筍味，味道濃郁，飲落香滑。
香蒜辣椒白酒炒大蜆：白葡萄酒汁加左車厘茄、大蒜及辣椒去做湯底，再加入鮮大蜆去煮。湯底帶輕輕嘅酒味，入口唔太鹹，全部蜆亦都開晒殻，非常新鮮，份量亦比想像之中多。伴碟仲有迷迭香多士，唔怕肥嘅仲可以用黎點汁食添呀！
香炸海鮮拼盤：海鮮拼盤有炸魷魚、蝦、白飯魚同軟殼蟹，炸物好夠火喉，亦都比我想像中無咁油，配上蒜泥蛋黃醬，係一道相當開胃嘅前菜。
明太子軟殼蟹披薩：Pizza火喉剛剛好，配料有酥炸軟殼蟹、蝦肉、櫻花蝦同埋明太子醬，材料好豐富，軟殼蟹亦都好大隻，非常吸睛，整體味道亦都好夾。
埋單每人都唔洗300蚊，唔係情人節正日慶祝，一黎唔洗同人逼，二黎唔洗食情人節貴價餐，呢度環境舒適，食物又唔錯，其實只要同愛人開開心心，日日都係情人節架啦！
張貼
