美心皇宮 (德福廣場1期)

營業中

休息中

朝早同兩老食早餐，因為要就佢哋方便，就去咗屋企樓下嘅美心皇宮。我都好耐無飲早茶，呢度竟然仲係推車仔食點心。個人比較鍾意咁樣，似細個時飲茶嘅風味，好過用點心紙，想要嗰樣就叫嗰樣。點心方面，有好多懷舊點心，好多出面已經好少機會有得食。例如有糯米包，即係好似燒賣嘅黃色皮包住糯米，呢個好好食，唔喺度度都有得食。另外仲有燒腩卷，一籠有兩件，雖然好似好肥膩，但係間中食一次都還可以。兩老每人一舊，都食得好開心。仲有見到大大碟嘅蛋散，呢個我都好中意食。但係已經叫咗其他點心，唯有留待下次再試。