吉列牛忌廉烏冬專門店 (彌敦道) (已結業)

謙謙已經愛上同我周圍發掘美食， 來到旺角彌敦道726號出名全棟都係食野的，謙謙自己選左 17樓的 Kobekyu，一於座低食晚餐。⚛️ 原條鰻魚蟹籽釜飯 ～ 原條鰻魚上份量十足，釜飯上加左蛋絲，紫菜和蟹籽所有材料拌勻食口感一流。⚛ 流心蛋韓式牛肉飯 ～ 本來想燒牛，但謙話想食呢碗韓式牛肉飯貪佢牛肉汁豐富，牛肉軟腍，入口甜甜地拌飯食幾好，食前仲要弄穿個流心蛋。⚛️ 韓式醬油炸雞 ～ 甜甜地炸雞件。⚛ 咸蛋黃薯條 ～ 每條薯條都沾到咸蛋黃，咸香十足起哂沙， 唔沾番茄汁都正。🍹紫薯 Latte ～ 口感幼滑紫薯味唔會 cover 哂d 奶，呢個配搭幾合適。