Coffee by Zion

營業中

休息中

第一次試呢間咖啡室，我哋叫咗佢兩款比較出名嘅嘢飲，就係 chai tea latte 同black sesame latte。Chai tea latte 嘅香料味唔夠重，但係唔鍾意香料味太重嘅人可以試吓。佢嘅香料味主要係肉桂，不過，我個人覺得佢甜左少少，杯野唔係好夠熱，我都係鍾意佢用傳統啲厚身嘅有耳咖啡杯多啲，咁先至可以保存住杯嘢飲嘅溫度。佢令一杯最出名嘅飲品就係Black sesame latte。佢有oat milk 同soya milk選擇，我揀咗後者。呢杯都係唔係太夠熱，勝在唔係好甜，佢話用咗黑糖，芝麻味還可以，但係唔知佢係咪用咗芝麻粉嘅關係，飲落去較為粗糙。我哋仲叫咗Portobello mushroom risotto，佢入面有蘑菇同蘆筍，食得出係用意大利米嘅，味道唔錯，但係份量較少，如果多啲就好啦。佢唔似我哋平時出面食嗰啲咁濃味，鍾意食忌廉味或者芝士味較為重啲嘅就可能嫌唔夠味啦。