影片
更多
2020-11-20
260 瀏覽
荃灣人一定有食過呢間餐廳，雖然唔知佢喺度存在左幾多年，但都一定有10年以上。最鍾意睇啲師傅即場整刀削麵🥰。價錢方面以前抵啲，而家已經升到五十幾蚊一碗，不過份量好多，對食量大嘅人黎講絕對係抵。相反，對我依啲永遠食剩三分之一碗既人黎講，就價錢普通啦。每次食剩一係要打包，一係要搵人執手尾🌝。今次因為我同男朋友趕時間，得15分鐘食飯，所以只嗌左一個餐（送豆漿），再另加兩碟菜。推介既原因係主食次次都好正！雲吞牛展刀削麵 送凍豆漿 $52毋庸置疑呢到既刀削麵好好食，麵質好煙韌，食落去就算粗幼不一（應該係賣點？），都唔會話幼既地方好淋，粗嘅地方唔熟。感覺上同平時食嘅麵好大分別，其他麵食落每啖都一樣，相反刀削麵就係有粗有幼，食落去覺得每一條嘅感覺都唔同，呢個係其中一個我好鍾意食呢度刀削麵嘅原因💕。呢度嘅刀削麵除咗麵大碗之外，啲餸都非常之多。我已經數唔到有幾多粒雲吞，大概三至四大粒，仲要係好食既🤤。牛展方面都係好多，睇圖可見到佢嘅配料已經可以鋪滿一碗麵！生菜 $18因為我哋唔想兩個人淨係食一碗麵，所以外加左兩碟菜。淨菜方面，我哋揀咗生菜，$18一碟咁嘅菜，其實唔係好抵🤧。最唔抵既點係啲菜既質素，食落一啲
雲吞牛展刀削麵 送凍豆漿 $52
毋庸置疑呢到既刀削麵好好食，麵質好煙韌，食落去就算粗幼不一（應該係賣點？），都唔會話幼既地方好淋，粗嘅地方唔熟。感覺上同平時食嘅麵好大分別，其他麵食落每啖都一樣，相反刀削麵就係有粗有幼，食落去覺得每一條嘅感覺都唔同，呢個係其中一個我好鍾意食呢度刀削麵嘅原因💕。呢度嘅刀削麵除咗麵大碗之外，啲餸都非常之多。我已經數唔到有幾多粒雲吞，大概三至四大粒，仲要係好食既🤤。牛展方面都係好多，睇圖可見到佢嘅配料已經可以鋪滿一碗麵！
生菜 $18
因為我哋唔想兩個人淨係食一碗麵，所以外加左兩碟菜。淨菜方面，我哋揀咗生菜，$18一碟咁嘅菜，其實唔係好抵🤧。最唔抵既點係啲菜既質素，食落一啲都唔新鮮，感覺上已經係煮到淋晒，直頭係醫院菜咁樣😂。睇落啲菜仲要爛爛地，好似平時街市$8一份大大盤個啲特價貨咁🤨。我寧願佢啲菜好啲，而份量少啲。
涼拌萵筍 $18
唔係好多地方都有萵筍食，我哋一見到有，就緊係嗌碗黎試吓。食落去辣辣地，萵筍仲係爽脆嘅，好食😍。相比起啱啱嗌嘅生菜呢個簡直係好食太多啦😂。雖然佢嘅份量比生菜少，但係佢好食過生菜咁多，我諗我地下次都係會嗌萵筍💕。
$88
25 瀏覽
0 讚好
0 留言
食左好多次，推介比啲趕時間，唔想諗食咩，無特別要求既人士( ´▽` )ﾉ。刀削麵好食，不過餐廳唔係用黎gathering既地方，唔好諗住係到同fd慶祝生日影靚相😂😂。
埋單$88（無加一）
張貼
