影片
更多
2020-02-25
58 瀏覽
好耐無見朋友，揀咗嚟大圍呢間西餐廳食飯，貪呢度方便得嚟又唔會太多人！餐廳環境好靚，我哋早嚟所以唔算太多人，好鍾意入邊呢盞水晶燈！大家放工都好肚餓，所以即刻睇下有啲咩食，呢度選擇都算多！要左個巴拿馬火腿配蘆筍，味道都唔錯，巴拿馬火腿口感柔軟，唔會硬！三文魚凱撒沙律，份量好多，三文魚好足，沙律菜新鮮爽口，配埋上面啲芝士碎配料幾夾幾好食！飲品因為大家都唔知飲咩好嘅關係決定一人一杯，咩都試吓！我個杯係士多啤梨colada ，一飲覺得有好香嘅椰奶味，睇返先知原來仲有菠蘿汁同鮮奶，配搭好好飲，唔會太甜！朋友話佢地杯荔枝同青蘋果飲品都唔錯，真材實料唔會係藥水味！嚟到最期待嘅主菜，呢個燒乳豬配薯角真係無得頂，乳豬皮超級脆，應該係即叫即製，直頭一切落去已經聽到「卡」一聲，食落當然正，而啲肉就嫰滑，薯角都唔失色！見到個肉眼扒已經流晒口水，大家都忍唔住相機食先，我哋揀咗五成熟，啱啱好好嫩滑，而且份量好足，$199呢個價錢性價比高，我哋三個女仔食都好夠，食完肉食埋上面個燒菠蘿更加完美！總結呢度都坐得好舒服，有機會都可以再嚟試其他野！
餐廳環境好靚，我哋早嚟所以唔算太多人，好鍾意入邊呢盞水晶燈！
大家放工都好肚餓，所以即刻睇下有啲咩食，呢度選擇都算多！
要左個巴拿馬火腿配蘆筍，味道都唔錯，巴拿馬火腿口感柔軟，唔會硬！
三文魚凱撒沙律，份量好多，三文魚好足，沙律菜新鮮爽口，配埋上面啲芝士碎配料幾夾幾好食！
飲品因為大家都唔知飲咩好嘅關係決定一人一杯，咩都試吓！
我個杯係士多啤梨colada ，一飲覺得有好香嘅椰奶味，睇返先知原來仲有菠蘿汁同鮮奶，配搭好好飲，唔會太甜！
朋友話佢地杯荔枝同青蘋果飲品都唔錯，真材實料唔會係藥水味！
嚟到最期待嘅主菜，呢個燒乳豬配薯角真係無得頂，乳豬皮超級脆，應該係即叫即製，直頭一切落去已經聽到「卡」一聲，食落當然正，而啲肉就嫰滑，薯角都唔失色！
見到個肉眼扒已經流晒口水，大家都忍唔住相機食先，我哋揀咗五成熟，啱啱好好嫩滑，而且份量好足，$199呢個價錢性價比高，我哋三個女仔食都好夠，食完肉食埋上面個燒菠蘿更加完美！
總結呢度都坐得好舒服，有機會都可以再嚟試其他野！
張貼
