點‧粵 (已結業)

呢間中菜地方好大，唔難搵位，加上座位闊落，坐得幾舒服，又見到有新推廣，一於試下好唔好食。秘製雞煲🐣🍲見到秘製呢兩個字真係抗拒唔到好想試下！仲要係我鍾意食既雞煲，所以我地兩個人就嗌半隻雞食，一黎到估唔到個份量有咁多，雞件多肉唔痴骨，重點係個秘製醬汁真係好惹味😍，完全唔輸專食雞煲既餐廳，而配料仲有薯仔添呀！青瓜麻辣皮蛋🥚我地仲揀左青瓜麻辣皮蛋做小食，皮蛋有兩款，一款係普通黑色，另一款係黃金皮蛋，兩款都係有d流心狀態，口感唔錯，下面就舖滿大量青瓜，非常解膩！銀杏鮮腐竹扒時蔬🥬食左咁多重口味既餸菜，食返個菜就最適合不過，今日既時令蔬菜係小棠菜，菜同腐竹新鮮之餘份量仲好多，抵食！