豐味窯雞

經過開觀塘shopping，心血來潮想買返窯雞外賣返屋企，就想起之前食過嘅「豐味窯雞」，買到返屋企都係咁好味！肉嫩帶煙燻香，連雞胸都唔鞋口，蘸少少自家椒圈豉油，辣香提鮮，即刻食晒。

我仲買左$39的「殿堂級蔥香雞飯」——外賣價真係非常平，佢仲係飯盒同埋蔥香雞分開打包。一打開盒雞已經蔥香撲鼻，入口甘甜，窯雞皮脆肉滑，蔥油香而不膩，性價比贏晒區內連鎖店。

總結這間豐味窯雞，真係打工仔食堂，平靚正，食過返唔到轉頭，下個禮拜再幫襯！