大和堂咖啡店

營業中

休息中

之前已經嚟過呢度食早餐，覺得選擇唔算多而且略嫌有啲貴。不過真係幾鍾意佢嘅設計裝修，保留左古典傳統嘅感覺，亦都同新設計融貫合一，絕對係打卡嘅好地方，所以特登再試一試佢哋嘅下午茶。叫咗個蟹肉多士，個多士烘底脆身得來十分之香口，同埋一個芝士火腿多士，一樣都係香脆得來唔油膩，十分之推介！佢哋嘅大和堂招牌咖啡都正㗎，同你平時係出面飲到嘅咖啡唔同，幾有層次。水系需要自己加添嘅，呢個地方好就好在你坐耐小小，同朋友傾得耐都唔會俾人趕走，算係九龍城cafe選擇來講都幾推介嘅一間！