影片
更多
2024-10-29
969 瀏覽
人哋年紀漸大，就會開始節制飲食，我則剛相反，愈老愈放肆，大閘蟹餐一局接一局，唔理咁多，食左先講。帝京軒，是我們每年都會來吃大閘蟹的地方，今年都無斷纜。雖則近年有些朋友會以清酒，甚或Port酒來配大閘蟹，然而我認為食大閘蟹要飲花雕，才是王道。醇厚的花雕，帶點點微甜，感覺暖胃舒服。蟹餐先來的三弄，紅頭菜蟹肉海皇餃賣相精緻，外皮咬落不黏牙，蟹肉等餡料非常充足，還有點點魚籽豐富口感，好睇又好食。小籠包一向是我的至愛，皮薄而湯汁豐盈，蟹粉相當鮮香，頂頭還加入了黑魚籽，令味道更具層次。另外的千絲酥，色澤吸引，也做到一層一層的質感，餡料更加是採用了松葉蟹，肯定好食。炒鮑片用上的是南澳的翡翠鮑魚，爽脆不韌，配搭大隻咸香的蝦乾，同埋惹味既XO醬，香氣四溢。眼寬肚窄既我哋，除左本身個蟹餐，仲額外柯打了蟹粉花膠炒粉絲，粉絲呢種索味既東西，吸收了蟹粉的鮮香，仲有花椒既點點麻香，非常精彩，花膠絲則豐富了口感，令成年事更上一層樓。雖然蟹餐加埋粉絲煲飽到大家反肚，不過都是值得的。按位上的蟹粉焗台山蟹砵，份量比我想像中的要大得多，以我既食力實在難以應付。然而，頭層微脆又夠香，內裡澎湃的蟹肉，又真係好好食既，面頭的醋珠
人哋年紀漸大，就會開始節制飲食，我則剛相反，愈老愈放肆，大閘蟹餐一局接一局，唔理咁多，食左先講。帝京軒，是我們每年都會來吃大閘蟹的地方，今年都無斷纜。
雖則近年有些朋友會以清酒，甚或Port酒來配大閘蟹，然而我認為食大閘蟹要飲花雕，才是王道。醇厚的花雕，帶點點微甜，感覺暖胃舒服。
蟹餐先來的三弄，紅頭菜蟹肉海皇餃賣相精緻，外皮咬落不黏牙，蟹肉等餡料非常充足，還有點點魚籽豐富口感，好睇又好食。
小籠包一向是我的至愛，皮薄而湯汁豐盈，蟹粉相當鮮香，頂頭還加入了黑魚籽，令味道更具層次。另外的千絲酥，色澤吸引，也做到一層一層的質感，餡料更加是採用了松葉蟹，肯定好食。
炒鮑片用上的是南澳的翡翠鮑魚，爽脆不韌，配搭大隻咸香的蝦乾，同埋惹味既XO醬，香氣四溢。
眼寬肚窄既我哋，除左本身個蟹餐，仲額外柯打了蟹粉花膠炒粉絲，粉絲呢種索味既東西，吸收了蟹粉的鮮香，仲有花椒既點點麻香，非常精彩，花膠絲則豐富了口感，令成年事更上一層樓。雖然蟹餐加埋粉絲煲飽到大家反肚，不過都是值得的。
按位上的蟹粉焗台山蟹砵，份量比我想像中的要大得多，以我既食力實在難以應付。然而，頭層微脆又夠香，內裡澎湃的蟹肉，又真係好好食既，面頭的醋珠，有助中和飽滯感覺。
各樣蟹肉蟹粉菜式再精彩也好，主角始終是橫行無忌的大閘蟹。六両重的蟹公，多羔且粘口，蟹肉鮮甜，無咩投訴。
邪惡菜式太多，還幸臨尾有個蟹湯百合素八鮮，清清地，平衡下，心理上會好過一點。
帝王蟹肉蒜香蒸糯米飯，又是相當足料惹味，每一啖都可以吃到蟹肉，無得輸。
結尾既甜品，既有滑溜的大良薑汁雪燕燉鮮奶，又有鬆脆的酥皮豆沙香蕉球，兩種截然不同的風格，甜胃滿足到不得了。
張貼
