影片
更多
2015-09-13
6223 瀏覽
迪士尼開左10年, 一路都未試過去佢地酒店食自助餐, 難得好姐妹迪士尼白金卡生日送1個免費, 所以就幾個一齊食攤分左個送一價錢.我地食第2時段, 8:00~10:30, 我地7:45左右已經到, 門口坐左D人響度等, 不過我地首先排隊, 所以一到8點第1隊即刻可以入. 我地分配到坐中間位置, 第一次入黎原來入面好大, 好多位, 不過今晚星期6差不多坐滿. 枱與枱之間其實都幾近, D公仔黎到影相, 路人甲乙好易入鏡.放低野就即刻出去睇下有咩野食, 由門口開始係冷盤, 壽司, 刺身.冷面等等, 好精緻.拎左幾樣返去, 連芥辣都有米奇樣. 刺身幾新鮮, 唔錯.跟住隔離係熱盤, 唔記得影個檔口, 有片皮鴨, 包魚帶子, 燒賣蝦餃, 羊架, 燒牛. 樣樣都幾好, 最鍾意有片皮鴨, 而且夾住黎食既包係豬仔樣, 好得意.仲有好多其他熱盤, 京都骨, 炒飯, 鱸魚, 豬肉卷, 另一款帶子.仲有韓式年糕, 日式炸小丸子, 印度薄餅, 印度咖哩, 豬頸肉, 天婦羅, 等等.因為實在太多種類, 就是但拎左D返去試, 樣樣味道都幾好, 咖哩有D辣.仲有其他冷盤, 長腳蟹, 青口, 翡翠螺, 三文魚, 吞拿魚
我地食第2時段, 8:00~10:30, 我地7:45左右已經到, 門口坐左D人響度等, 不過我地首先排隊, 所以一到8點第1隊即刻可以入.
我地分配到坐中間位置, 第一次入黎原來入面好大, 好多位, 不過今晚星期6差不多坐滿. 枱與枱之間其實都幾近, D公仔黎到影相, 路人甲乙好易入鏡.
放低野就即刻出去睇下有咩野食, 由門口開始係冷盤, 壽司, 刺身.
冷面等等, 好精緻.
拎左幾樣返去, 連芥辣都有米奇樣. 刺身幾新鮮, 唔錯.
跟住隔離係熱盤, 唔記得影個檔口, 有片皮鴨, 包魚帶子, 燒賣蝦餃, 羊架, 燒牛. 樣樣都幾好, 最鍾意有片皮鴨, 而且夾住黎食既包係豬仔樣, 好得意.
仲有好多其他熱盤, 京都骨, 炒飯, 鱸魚, 豬肉卷, 另一款帶子.
仲有韓式年糕, 日式炸小丸子, 印度薄餅, 印度咖哩, 豬頸肉, 天婦羅, 等等.
因為實在太多種類, 就是但拎左D返去試, 樣樣味道都幾好, 咖哩有D辣.
仲有其他冷盤, 長腳蟹, 青口, 翡翠螺, 三文魚, 吞拿魚沙律等等.
其實食左半個鐘, 公仔已經出黎同每枱既人影相. 大約9點突然米奇就拎住蛋糕黎我地果枱, 原來好姐妹訂左蛋糕, 所以呢度影相又影左一輪, 同米奇又切蛋糕, 又唱歌, 搞左好耐. 過左我地呢枱之後, 陸陸續續隔離幾枱都係由米奇拎蛋糕出黎慶生, 米奇都幾忙.
玩完一大輪都就黎10點, 所以即刻試下甜品先, 甜品部中間有個好靚既睡公主城堡.
甜品應該有十幾種, 部份有公仔樣.
其他就蘋果酥, 朱古力蛋糕, 泰式甜品, 芒果撻, 款式多到數唔晒, 其實樣樣個樣都好吸引.
因為都幾飽, 所以試左幾樣, 甜品唔會太甜, 可能不斷refill, 所以甜品無吹到乾晒, 唔錯.
呢間食自助餐1個時段周六要$568, 我地送一, 4個人除開係4百幾, 比起平時慳左1舊水左右.整體 野食好多種類, 味道亦都正常新鮮, 無咩野難食, 不過正價加一要6百幾, 有人就會話無咩貴價款式, 所以鍾意同公仔影相先好黎, 唔好純諗住食, 因為呢度影相時間多過食野, 全晚總共出左4隻公仔同人影相.
張貼
