翠樂庭餐廳

我諗身為香港人，應該都去過香港迪士尼啦🏰 以前朋友啲小朋友細個時，我仲有年卡，一年去幾次回返哂本，真係童年回憶！但啲小朋友慢慢長大，我哋又開始忙，結果都好少再入去😭😭今次係幫人慶祝生日，特登買門票🥳🎂 每次一入迪士尼就好似瞬間離開現實世界，返返童年嘅感覺！未去過嘅Frozen園區，今次終於試到❄️☃️！啲設施又新又有驚喜，真心好玩，同朋友齊齊爆笑😂😂晚餐揀咗我最愛嘅翠樂庭餐廳，食又正，最開心係可以提前2個月book位，同埋預先話定慶祝生日，佢哋會送上蛋糕＋Disney角色陪你影相慶祝，夠晒high！💖角色真係超親切，每次都開心到極！記住： 建議早兩個月book翠樂庭餐廳，因為真係長期爆滿🥹！ 而家門票都唔平啦（成人HKD548），有年票回本就perfect，冇都要把握機會啦，唔知佢幾時又加價😂😂😂最好嘅Ending係留到夜晚睇煙花🎆🥹，就算無煙花，夜晚嘅迪士尼同旁邊酒店都係超夢幻，氣氛完全唔同，chill又浪漫，超適合影相打卡！想體驗返童年魔法？即刻約朋友book返入去啦🔥—— 香港迪士尼樂園 地址：香港大嶼山香港迪士尼樂園度假區 開放時間：10:30-20:00 門票：HKD548翠樂庭餐廳（香港迪士尼酒店內） 建議提前2個月預約 有生日驚喜＆角色影相機會！#lifestyle #hongkonger #copperlui …Read More

假日去迪士尼玩左一日，之後晚餐黎左樂園酒店到食buffet路程距離樂園唔算好遠，需要行10至15分鐘就到呢間翠樂庭餐廳氛圍同食物都唔錯Buffet食物選擇有很多，有50款以上，而且有刺身同壽司選擇，食材都幾新鮮:)另外仲有長腳蟹，長腳蟹有蟹嘅鮮味，我都食左好多！熟食類唔少得牛扒，牛扒配上燒汁味道不錯！而且不會過熟:)餐廳仲每台額外送咗一份和牛，和牛肉質鮮嫩最後特別令我滿足嘅係甜品，有好多款有卡通人物嘅甜品可以選擇，外觀夠晒可愛，而且味道都很美味餐廳仲會安排卡通人物每枱過嚟同客人影相，真係十分開心…Read More

天氣好熱，但係又想同迪士尼朋友會面，酒店自助餐是不可或缺的，於是於網上平台預訂，可享有九折優惠，一嚐自助午餐，假日甚至可以由12點至3點，期間不是會有迪士尼朋友進場和你影相和打招呼，大人小朋友極愛。個人喜歡吃海鮮，當天假期提供肥美清甜長腳蟹，實屬難得而且非常高質！幾乎見到每台客人都一大堆咁拎，就知道幾好味要回本。海鮮還提供醬油漬鮑魚、螺、青口和大蝦，仲有最少見嘅琵琶蝦。不過琵琶蝦冇咩味。日韓主題，有牛肋湯、關東煮🍢、雪濃湯、韓國拌飯，竟然連韓國炸雞都有、仲提供一啲韓國甜品，例如豆沙糕。刺身，方便有八爪魚蝦三文魚。甜蝦非常軟糯，可以係咁encore。適逢迪士尼20周年有周年慶典主題的甜品，甜品都有特別裝飾，有不同的芝士蛋糕慕絲蛋糕抽獎迪士尼公仔圖案，仲有大量新鮮水果，全部都非常清甜，最正係有朱古力噴泉⛲️。飲品方面提供凍白桃烏龍茶、檸檬茶、咖啡、橙汁任飲，真係好化算。米奇和布魯托會喺這三個鐘頭內跟客人逐台逐台拍照，所以絕對有足夠時間跟人物影相。總結：人均$500唔使長腳蟹質素特別高 非常深刻 …Read More

翠樂庭今期主打日韓主題牛肋肉，關東煮，雪濃湯，泡菜煎餅，芝士年糕全部都好正關東煮個湯好味，同埋蘿蔔好甜冇渣，仲有牛筋添吖不過韓式伴飯就吾夠熱，韓式炸雞要加多醬咁就正了咁就正了適逢20週年，甜品都有特別裝飾，然而韓式甜品有驚喜牛油年糕外表勁似 Madeleine 但入口煙煙韌韌好好味梳乎厘奄列蛋糕卷入口即溶，好似食左空氣但我鍾意❤️仲有朱古力噴泉⛲️有我鍾意既 Churro 但都係樂園熱辣辣嗰條最好食Lunch 由1200食到1500，仲有迪士尼朋友過黎影相📸係OpenRice 訂枱仲有9折，埋單每人四百零蚊！…Read More

今次去香港迪士尼樂園酒店嘅翠樂庭餐廳食自助餐慶祝小朋友生日，真係一個好開心嘅體驗！一入到餐廳，已經被佢維多利亞風格嘅裝潢吸引住，環境優雅舒適，配埋迪士尼主題音樂，氣氛一流，仲有機會同迪士尼卡通人物影相，真係好有童話感覺。講返食物，呢度有齊中西熱葷同冷盤，包括乳鴿、龍蝦意粉、鮑魚、冬菇等等。龍蝦意粉啖啖肉，龍蝦鮮甜彈牙，意粉掛汁又唔會太膩，值得encore！乳鴿皮脆肉香，啱晒鍾意食中式燒味嘅朋友。鮑魚都煮得入味，唔會過鹹，口感不錯。最欣賞係食物選擇夠多，海鮮、刺身、熱葷、甜品同即製料理樣樣齊，無論你鍾意邊種菜式都搵到心水。甜品區仲有好多造型可愛嘅迪士尼主題蛋糕同雪糕，打卡一流！服務方面，職員好有禮貌又主動，會主動幫你影相同收碟。有兩個位值得一讚我夾緊薯條嘅時候，職員話有新鮮炸嘅準備出爐，叫我等一陣好快，食到新鮮野係好開心㗎；另外，我有一轉拎嘢食向廚師order左個即叫即整嘅意粉，要幾分鐘後先有得拎，但係我拎完一堆食物返埋位已經唔記得咗，之後返去問廚師頭先嘅意粉，佢話已經凍咗再整過俾我。…Read More

首先講吓個環境先，真係靚到冇得輸加上全年證會員仲有折添，真係超級抵食食物種類唔算話好多，但係全部都好有質素，有個蟹餅真係勁好食!!!海鮮種類都有麵包蟹，蟹腳，魷魚圈等等食食吓仲會有卡通人物過嚟同你影相，係小朋友去或者慶祝都係好適合！…Read More

正午時段，去咗迪士尼樂園酒店翠樂庭食下午自助餐。首先要係迪士尼站後面個巴士站，乘坐穿梭巴士前往迪士尼樂園酒店。我一早訂咗枱。成人價$498加一。現場見到好多跑手比賽完入座食自助餐。重可以同米奇及布魯托合照。食自助餐個人有三大守則。1)當日早上食少一點。2)每次只拿一碟該國藉原味主菜。3)吃不下，不要拿。免得造成浪費。第一道菜，忌廉蘑菇湯及沙律。個湯好濃。足料。沙律清新入口。第二道菜，海鮮。青口清甜。蟹肉多汁。長腳蟹肉質甜美。蝦肉鮮甜好味。第三道菜，日式料理。日式刺身入口即溶。上等食材。新鮮到港。第四道菜，燒鵝瀨粉。先試個湯底，好重燒鵝味。再食埋塊燒鵝，最靚燒鵝肉供客食用。有庸記酒家級數。第五道菜，砂鍋雲吞雞。雞湯鮮甜。雲吞肉質美味。頂級材料。第六道菜，印式青咖哩。印式薄餅加入青咖哩醬汁。好重印式風味。第七道菜，水果。最靚最正既油麻地果欄水果。自己拼出水果盤。第八道菜，甜品。迪士尼蛋糕配卡通人物造型。好精緻。個 Vanilla ice cream，配合曲奇一齊食，效果更佳。 …Read More

呢個自助餐我們除左忙住拎食物，仲忙住同迪士尼角色合照，時間真係過得好快，仲差啲唔夠時間食添。服務員非常友善，笑容好好，係其他餐廳很少見，值得稱讚！前菜有三文魚同Parma ham。海鮮有蟹腳、蝦和青口等，味道OK，熱食方面，有廚師即場製作的米奇形狀蟹餅，造型好可愛甜品嘅種類比較多，蛋糕上都有迪士尼角色的朱古力裝飾，睇到都已經覺得好開心，仲有可愛的米奇pancake!總體來說，食物種類不算多，但來迪士尼當然是為了氣氛多於食物。今天玩得很開心，和迪士尼角色一齊合照，感到非常滿足。…Read More

翠樂庭餐廳以自助餐為主自助餐嘅種類，雖然比其他五星級嘅酒店款式少亦沒有特別主題，但基本要有嘅例如沙律海鮮甜品日本嘢刺身都有冷盤海鮮方面呢長腳蟹翡翠螺都有嘅另外呢餐廳額外整咗一個海鮮拼盤比每個客人所以海鮮方面都算合格刺身方面壽司刺身冷麵都齊全主菜方面呢我覺得特別之處係佢會做一啲有迪士尼特色嘅主打菜式囉，所以都係唔錯嘅雖然種類唔會特別矜貴嘅嘢，例如冇和牛但味道合格 但款式不會有好多最後係甜品，我覺得佢嘅甜品比出面都係多同埋款式吸引價錢都差不多性價比不錯😌當然我覺得性價比係因為有迪士尼人物嘅合照囉但星期五六日嘅價錢會比較貴一至四價錢會合理啲我係行動不便嘅人，本身要用拐杖帶迪士尼都安排到好好嘅位置對殘疾人士服務算不錯…Read More

今年開始就是奇妙處處通的白金卡會員，所以7月生日月有不少優惠。其中一個是在指定餐廳享有買一送一的用餐優惠。剛好 翠樂庭餐廳 在名單中又我很久沒吃過就決定食這間囉 (´∀` )而且剛好推出香港獨有的避風塘風味料理。坐下來後先送上魚子醬，還有一桶油鹽水海鮮。海鮮包括了瀨尿蝦、蟶子、蜆和粉絲，都幾豐富又簡單鮮美。然後自助餐的部分，既然是避風塘風味當然會有炒蟹、炒螺之類。全部都好惹味。不過我最推薦會是蒜蓉粉絲蒸扇貝。美中不足是感覺這裡食物的熱度都不太夠。另外也有乳鴿那些。凍盤海鮮的蟹腳有點鹹，沒想到會有鮑魚，蝦都幾彈牙。甜品和之前吃過的差不多，新品就最近材推出的雪糕杯。包裝好可愛，有米妮、米奇和 Chip n Dale。草莓和朱古力味道也不錯，雲尼拿口味相對普通。…Read More

一家四口🧑‍🧑‍🧒‍🧒第一☝️次staycation，揀咗迪士尼樂園酒店🏨，第一☝️餐揀咗翠樂庭食自助餐，大人$448，小朋友👧🏻$328，BB免費🆓,銀卡23%off。陳皮二妹唔坐BB櫈，第一☝️水媽媽👩🏻攞嘢俾陳皮兩妹食，媽媽👩🏻攞唔到長腳蟹，佢地見到豬豬🐷包皓興奮🥰，之後爸爸👨🏻出去打卡，咁啱見到長腳蟹🦀就攞咗一轉先，都好肥美。之後見到布魯圖周圍影相📸，職員🧑‍💼會幫手揸手機📱，好幫得手，陳皮兩妹皓開心🥳。媽媽👩🏻再出去攞長腳蟹又已經俾人攞哂，我出去攞又攞到，攞埋鮑魚同翡翠螺。熟食方面我想食counter牛扒🥩同羊扒🐑，但羊扒派哂冇refill，牛扒🥩嫩滑唔錯👍🏻。雲吞雞雲吞同湯都麻麻。辣酒煮花螺用竹簽吉出嚟皓有風味。燒鵝瀨鵝唔夠肥。甜品🍮方面就卡通人物朱古力🍫牌甜品🍮滿足😌小朋友👧🏻，但都好食😋既。之後米奇出嚟影相📸，突然失踪咗，原來係我女生日🎂佢攞個蛋糕🎂（其實係現場小蛋糕🧁+生日🎂牌）再出嚟影相📸，有surprise，唱生日🎂歌就冇米奇了。之後布魯圖同米奇都周圍影相📸，飲品🍸就果汁🍹茶啡自己斟。…Read More

🏰嚟到迪士尼🏰，除咗玩之外，食都好重要，就好似其中呢一間香港迪士尼樂園酒店裏面都有唔同嘅餐廳，呢一間🍴翠樂庭🍴以自助餐為主，仲可以近距離同迪士尼人物影相添😍😍，重點係唔洗排隊🤣，我都係第一次嚟，裝修高貴典雅，又會加插童話角色，餐廳面積又夠大，座位都相當闊落🫶🏼，坐得舒服之餘仲可以望到花園景色，的確唔錯👍🏻而佢哋嘢食方面款式都算多，初初都唔會有太大期望，只要正常味道就可以接受😌，不過食完之後比想像中好，無論係refill嘢食嘅速度，同埋服務嘅態度都唔錯👍🏻🦞冷盤方面 : 除咗各款唔同嘅🥗沙律菜之外，仲有冷盤海鮮，🩷長腳蟹，🩷青口同埋🩷大蝦等，都叫新鮮唔錯，係款式比較少，不過日式嘅凍食就比較多，好似有款三文魚子蓋飯🍱咁，細細碗賣相唔錯👍🏻，刺身方面一定會有🩷三文魚，🩷吞拿魚，🩷八爪魚，🩷帶子等，色澤都算新鮮，其次就係一杯杯色澤鮮艷嘅凍湯，係嚟自西班牙嘅蕃茄味，南瓜湯同埋青瓜牛油果，賣相係唔錯，不過味道就一般，試過就算😳🍲熟食方面 : 中菜比較吸引,見到有一條原條上嘅🐟清蒸海魚,好快俾人清晒,不過肉質係幾鮮嫩,其次有🩷鮑魚冬菇据鵝掌，🩷紅燒花膠，🩷花旗參杞子燉雞湯，🩷蒜蓉粉絲蒸海鮮，呢啲菜式都比較吸引，Buffet嚟計算係唔錯，因為始終呢度嘅收費唔高，其次仲有個米奇造型嘅🦞龍蝦蟹肉白菌洋蔥米奇撻🦞，佢哋係即叫即整，所以食落熱辣辣，味道唔錯😋食到中段，佢哋每一台都會送上一份❣️海鮮拼盤❣️，同埋一份❣️魚子醬❣️，海鮮拼盤上嘅秘製醬汁係幾入味，值得一讚係裏面嘅鮑魚，一啲都唔韌，鮮味濃🤤，另外魚子醬可以作為伴食，自己可以DIY，餅乾，麵包或者脆片都係唔錯嘅選擇🍰甜品 :甜品方面呢度除咗有唔同款式嘅蛋糕之外，仲有個DIY嘅雪糕機,我哋嗰日嘅雪糕味係🍊日向夏柑橘🍊，味道好甜，有啲奇怪😓，另外仲有朱古力配料可以加制，除咗雪糕之外仲有心太軟，蘋果麵包布甸，石榴水晶果凍，都可以一試🩷，水果方面唔少得一定有西瓜，蜜瓜，哈密瓜同埋菠蘿等😆最後，迪士尼人物會逐個出嚟同每一台影相，你可以選擇由佢哋幫你曬出嚟嘅8R相，另外收費，又或者用自己嘅電話同佢哋影都冇問題，一開始幾興奮，好似同佢哋聚餐咁，又可以咁近距離互動，的確唔錯😍😍…Read More

星期六Lunch buffet $498 12:00-2:00冷盤ok, 長腳蟹瘦、鮑魚大隻👍，翡翠螺、青口、凍蝦、煙三文魚👍、煙肉配的哈密瓜甜甜👍沙律菜等熱盤好多，唔少都適合小朋友食，味道亦唔錯其中有和牛壽喜燒、蜜糖火腿👍、意式雲吞👍、串燒、蝦餃燒賣、奶黃包、蒸/烤魚、雞、咖哩同薄餅、但個海皇羹超咸壽司魚生可以唔洗食，三文魚/吞拿無味、白魚有筋甜品同水果正常，曲奇餅、蛋糕、榛子朱古力糕餅👍蘋果布甸麵包👍飲品有橙汁、茶、另外杯薑柑橘茶幾特別👍今次見到布魯托同米奇❤️，好開心，佢地過左黎3次，同小朋友互動工作人員十分友善，服務好好冷熱盤重有好多，但唔夠時間食，下次試食埋個dinner先🥰早到的話，可以出面庭院打卡，好多花花、蝴蝶、再行出d係海同碼頭…Read More

琴晚同成班朋友山長水遠入到迪士尼翠樂園食自助餐平日夜晚冇乜人，幾清靜，環境好靚，好岩打卡如果係迪士尼迷應該好鍾意呢度，米奇、米妮、高飛輪流過嚟影相，好適合同小朋友過嚟凍海鮮嘅選擇唔算特別多，所以淨係拎咗個蟹蓋，算係幾新鮮，但係冇乜膏個人覺得呢度嘅中菜唔錯鮑魚花膠都有得食龍蝦粉絲係必食，粉絲非常入味壽喜燒都好好味，啲牛肉幾靚，煮得啱啱好，好嫩滑刺身方面，個人覺得三文魚麻麻哋，反而帶子甜蝦幾好，不過拎咗一round 都冇再去攞甜品方面比較普通，冇一樣係特別好味，反而啲生果就唔錯 …Read More

疫情後，恢復埋枱合照，再來食自助餐！米奇，米妮，布魯托輪個住來！仲會同大家互動！雖然係為影相多，但食物其實都ok㗎 ！種類，質量都可以！但係年卡無咗買一送一優惠！…Read More