春水堂 (希慎廣場) (已結業)

疫情期間冇得飛，總會想食左當去左旅行～ 今日突然想起台灣牛肉麵，提早放自己lunch time ，同事未夠12點飛咁快去左拎位！12點剛開門梗係有位唔駛等，等一次去銅鑼灣店，原來位置都幾開揚下，坐位之間距離都夠唔錯。  麻辣牛肉麵 （半筋半肉） $82 點餐時問過可唔可以唔要筋，其實我只想食牛肉，不過店員話唔得咁我照要啦，點知黎到好多筋，可以話好足料，不過D牛肉真係好硬，基本上用牙大力咬都好難咬開！之前去觀塘店食過係超級淋同好味！唔知係咪因為我地太早去幫襯呢？湯頭同麵都冇變嘅，份量適中。 黃金香酥雞 $48 好彩心目中第二樣招牌菜冇失望！好味！好香好酥脆，滿分！鹽酥雞翼魯肉便當  $92鹽酥雞翼有小小失色，相比黃金香酥雞味好多，前者炸粉厚左DD，後者雞肉嬓滑香口。