再興燒臘飯店

營業中

休息中

每次中午經過，都總會看到人龍。燒味店黎講，佢算乾淨，不過店舖細，位置唔多。叫左個雙拼瀨外賣，門口直接落單俾錢。燒肉切雞瀨，都係$30。好抵呀！D呀姐做野好快手，等幾分鐘就整好啦。由於門口企左堂食條龍，同等外賣既人，再加上行人，都幾迫下。佢d燒肉既皮好脆，係鬆脆。係我食過最脆既燒肉，味道適中，係肥左少少啫。值得一提係佢既切雞，佢d皮係爽架，食落一d都唔覺肥，本來唔食皮既我，今次連皮都唔放過。而佢既薑茸，同出面食到既味唔同，係有蒜架。中意食蒜既朋友，可以試試。不過瀨粉份量唔多，但呢個價錢，絕對超值。佢地仲會將餸同湯分開，咁就唔怕浸到淋晒啦。