影片
更多
2022-10-16
4355 瀏覽
前兩日特登去嘉多利餅屋買想試好耐嘅抹茶紅豆麻糬布甸包同新出嘅黑白布甸包💛因為已經有買原味布甸包嘅排隊經驗？所以今次預大概3:50到店，前邊已經有十幾人排隊🕺🏻雖然門口通知寫4:30開售，但約4:05隊伍已經開始郁。我8月份時嚟仲冇限購，今次就見到每人每種口味限購2個，果然係高人氣名物呀🤭排得好前嘅我就一定買到喇🥳店員姐姐已經準備咗一啲唔同口味布甸包嘅組合，可以比大家更快更方便買到包😚雖然好忙都會比你望下，確認返盒入邊係你想要嘅包。我就抹茶紅豆麻糬×2，黑白×2，我話要帶比朋友，店員姐姐就好nice，確認完又特登分兩袋小心幫我擺🫰因為我仲想買麵包，同埋想再確認下焗爐翻熱嘅溫度同時間，就行埋入去睇，啱啱好見到成tray新出爐嘅布甸包真係超吸引😍即刻拎手機出嚟影🤣好感謝老闆同店員姐姐，雖然店內好逼好多人但都比我任影，老闆仲好仔細同我講，如果焗爐翻熱要160度3分鐘，溫度同時間都好重要，太高或太長時間個布甸會溶⋯⋯返屋企快快影完開動😍兩款包嘅布甸都口感超順滑😌抹茶紅豆麻糬嘅抹茶味好香濃，原來面頭同內餡都係用咗兩種唔同抹茶粉😮面頭係小山園，顏色更靓，內餡就係西村番茶屋，味道更甘香，難怪我覺得係好
雖然門口通知寫4:30開售，但約4:05隊伍已經開始郁。我8月份時嚟仲冇限購，今次就見到每人每種口味限購2個，果然係高人氣名物呀🤭
排得好前嘅我就一定買到喇🥳店員姐姐已經準備咗一啲唔同口味布甸包嘅組合，可以比大家更快更方便買到包😚雖然好忙都會比你望下，確認返盒入邊係你想要嘅包。我就抹茶紅豆麻糬×2，黑白×2，我話要帶比朋友，店員姐姐就好nice，確認完又特登分兩袋小心幫我擺🫰
因為我仲想買麵包，同埋想再確認下焗爐翻熱嘅溫度同時間，就行埋入去睇，啱啱好見到成tray新出爐嘅布甸包真係超吸引😍即刻拎手機出嚟影🤣好感謝老闆同店員姐姐，雖然店內好逼好多人但都比我任影，老闆仲好仔細同我講，如果焗爐翻熱要160度3分鐘，溫度同時間都好重要，太高或太長時間個布甸會溶⋯⋯
返屋企快快影完開動😍兩款包嘅布甸都口感超順滑😌抹茶紅豆麻糬嘅抹茶味好香濃，原來面頭同內餡都係用咗兩種唔同抹茶粉😮面頭係小山園，顏色更靓，內餡就係西村番茶屋，味道更甘香，難怪我覺得係好重手嘅抹茶但完全唔會覺得苦👍微甜又好似紅腰豆咁大粒嘅北海道大納言紅豆滿滿係個面度，可以充分食到紅豆味🫘同抹茶係經典搭配冇得輸呀！麻糬隱藏係中間，咬落又Q又煙韌，雖然唔係好嚐得出椰香（因為抹茶味真係好濃🤣）但口感一級棒～昇華咗整個布甸包呀喂～
黑白布甸包都幾特別下，中間上層係燉蛋白，我覺得好似雙皮奶咁，下層係黑芝麻布甸，一齊食落幼滑又有奶香加芝麻香，兩款都甜度啱好，感覺黑白包嘅竹炭包比抹茶紅豆麻糬包嘅麵包更韌啲啲（切嗰時feel到，所以黑白包切得冇抹茶包靓🤣唔敢太用力）
室溫試咗一半，另一半擺雪櫃第二日翻熱再食（其實就咁雪櫃直接拎出嚟食個布甸部分都好食嘅，不過包會偏韌少少🤏）果然翻熱後包會變脆口啲，尤其係抹茶紅豆包，所以我特登翻熱咗帶去上堂投餵教練喇～唔好我一個人肥呀🤣
抹茶紅豆麻糬布甸包 8.5/9
黑白布甸竹炭芝麻包 8.0/9
TOTAL 8.5/9
雖然嘉多利出咗布甸包爆紅之後好多麵包店都有跟風出布甸包，但我都只會認準嘉多利，兩款包都係排隊不後悔🫰尤其係抹茶紅豆麻糬，除咗因為我愛紅豆🫘可以食得出呢款真係好用心研發同製作嘅一款布甸包，口感組合味道都無可挑剔，我一個對抹茶麻麻嘅人因為呢個包開始對抹茶有興趣啦🤣
116 瀏覽
0 讚好
0 留言
131 瀏覽
0 讚好
0 留言
81 瀏覽
0 讚好
0 留言
72 瀏覽
0 讚好
0 留言
42 瀏覽
0 讚好
0 留言
54 瀏覽
0 讚好
0 留言
22 瀏覽
0 讚好
0 留言
23 瀏覽
0 讚好
0 留言
張貼
