爭鮮迴轉壽司 (MOSTown新港城中心(4期))

營業中

休息中

臨近四月尾，好多Deadline一次過湧過嚟😭，決定逃離一下🏃🏻‍♀️，食完午餐再做過。見好耐冇食過壽司🍣，諗住可以去爭鮮快快地食過lunch。點知去到發現好多人😱。差唔多同也米媽👩🏻等咗一個鐘先可以入去🥲。試咗佢哋初春限定花見物語🌸三款壽司！-🍴春之三色刺身盛🌸($16) - 係一碟入面，有曬甜蝦、北寄貝同帶子刺身。咁嘅價錢可以食到三款刺身，而且唔會話唔新鮮，反而有啲鮮甜🤣。甜蝦有驚喜🤩，而帶子正常水平，北寄貝一般。-🍴松葉蟹三味🦀 ($16) - 有一隻蟹鉗，加一件充滿蟹肉嘅壽司。蟹鉗肉同壽司上面嘅蟹肉碎都食到蟹肉嘅鮮甜，好新鮮嘅味道😍，超滿足！原來壽司上面仲會有啲蟹膏，加強左蟹肉碎同壽司之間嘅關係💛。可能怕蟹肉會腥，喺壽司下面會有一塊紫蘇葉。-🍴鮮乳酪烤三文魚腩🐟($8) - 上面嘅醬有淡淡嘅乳酪味，而三文魚腩表層有烤過，所以一入口就食到三文魚魚油香味😆。不過由於魚油味好濃，加上芥末豉油嘅味道，當一齊食嘅時候，係食唔到乳酪味🤭。