小聚嚐鮮

營業中

休息中

前身係左麟右李，跟住改咗名叫做滋味小廚。幾個月前執咗而家又開返，變成另一批成員同埋廚師。翻新咗少少裝修，裝修就唔太特別。嘢食就相當有驚喜！本身住喺黃埔當然有乜嘢新嘢一開，就即刻去試食。先講個招牌炒米粉，我諗係我喺香港食過最好味嘅炒米粉！好香好有心機，食到底都冇油，蛋香四溢，米粉爽口，屬於必叫。跟住有一個好特別嘅舊式屋企餸，我諗而家啲媽咪或者工人姐姐都好少煮；就係爆漿窿邊蔥油荷包蛋。聽落平平無奇，但係好有懷舊感；食返童年回憶都抵啦。再加上面頭嗰啲蔥油超級香。另外試咗香妃雞，真係雞有雞味；大家不妨試一試。另外佢啲湯都好好飲，試過胡椒豬肚雞湯相當濃郁；另外亦都試咗佢個例湯⋯⋯係蓮藕湯好有水準90分以上。仲試埋佢個濃湯勾翅、$198幾抵亦好濃郁，勾翅就OK啦咁嘅價錢。都推介你一試的。