Burgerman (埃華街)

營業中

休息中

最近有一個來自遠方的朋友到香港觀光，難得見面當然要同佢食返餐飯啦。正在愁緊食乜嘢的時候，突然發現一間裝潢外國風的漢堡包店，啱曬老友鬼鬼坐低食嘢同吹水。雖然係主打賣漢堡的店舖，但係餐單都有其他小食俾大家選擇，絕不單調。事因朋友唔食牛，一開始都有擔心過會唔會無咁多選擇，好彩呢間舖勝在款式多，除佐牛肉漢堡仲有魚、雞、豬等的漢堡，我地好快就揀好佐自己的心水漢堡。身為食肉獸的我，當然諗都無諗就點佐個至尊漢堡配上連皮薯條。雙層厚厚的牛肉漢堡配上芝士同埋煙肉，咬落去的滿足感已經大過卡路里帶來的罪惡感啦🤣朋友就點佐個燒菠蘿雞腿漢堡配薯格，雞腿唔會乾，肉汁配上燒菠蘿的香口同鮮甜味，令到佢食唔停口。一般漢堡作為晚餐，對於唔少港人都有唔夠飽或者頹食的印象。呢間的份量夠曬大，配埋薯條薯格，真係要捧住個肚先走到。食物好食已經值得回頭，再加上環境氣氛好好，下次可以再約其他朋友去小聚。