kikusan (已結業)

前幾日同朋友聚一聚，去銅鑼灣食飯好多時都會揀新餐廳試下，今次就去希慎廣場試多國菜。一間餐廳咩野菜式都有，咖哩又有小籠包又有，連刺身都有，一次過滿足你幾個願望。由於見餐牌無咩岩飲，就叫左按人頭計既烏龍茶，有凍有熱揀，都係$5位，無限refill。味道唔錯，茶味偏淡，但夠凍。但refill個陣，係唔會refill埋冰俾你，所以越飲越唔凍。豚肉小籠包上檯唔算非常熱，湯汁唔算太Juicy，豬肉調味不足，唔使再試。咖喱漢堡扒飯反而有驚喜，咖哩準較杰身，味道偏甜，漢堡扒唔會話太乾身，扒都算幾厚身，但得一舊扒就好似唔夠送飯。芒果海蝦卷真係大伏黎，本身外觀已經唔算吸引，食落去芒果肉係非常酸，完全同炸蝦唔夾，炸蝦仲要炸粉淋曬。另外，個pat醬唔知可以點樣點落壽司度，係奇異果熱情果粒粒整成，成件事好奇怪。呢個芝麻花生爐打滾，淨係睇menu個名係完全估唔到係咩黎。其實都係糯米糍D朋友黎，外皮底係煎脆左，食落口係熱熱地，入面d芝麻花生椰絲帶小小咸，食落口個感覺好有趣。呢個甜品應該係呢間餐廳最好食既野。