霸王川莊 (已搬遷) 新店位置

之前係元朗店食過一次lunch, 之後搬離元朗後無再食過。今次經過尖沙咀就決定再試！進時間係晚上9點左右，等待左10分鐘左右先有得入座，店內尚算寬敞。八寶茶: 足料，好飲。有妃子，菊花，玄米等，八寶茶是可以解辣的，配酸菜魚一流，味道帶點回甘甜。招排酸菜魚: 叫左個例牌南充特色酸菜魚-桂花魚(辣)。因為驚有魚骨，所以叫左桂花魚，除左例牌仲有個珍寶size,不過例牌已經好大例，二人食，魚都分量，無骨，夠滑，無魚腥味。除左之外配菜分糧都足，有大量薯粉，可以不用配飯已夠飽。爽辣黄瓜皮: 好普通，性價比低。