影片
更多
2025-06-28
90 瀏覽
尋日放工同事去咗附近鍾爺爺火鍋打邊爐，地方光猛仲有電視睇，如多人提早book位仲可以坐vip 房👍🏻之前試過呢到花膠雞魚翅鍋勁出色🫶🏻，今次試埋個招牌豬骨蜆鍋，呢個鍋超級足料，4-5舊巨型豬骨，再加埋粟米同雞腳等材料熬製，個湯一滾起上嚟，陣陣豬骨同蜆嘅鮮香就撲鼻，飲落胡椒味好，粟米嘅甜，豬骨同蜆肉嘅鮮，全部融喺湯度，飲完暖粒粒，蜆肉大大隻，完全無沙 ，正👍🏻。跟住試個霜降手切頸脊肥牛（小），肥牛切得好厚身，紋路好靚，擺落鍋裡面一灼，幾秒就熟，入口軟滑到極，牛味香濃，正到痹！必點🙌🏻秘製西洋菜餃超驚喜，入面居然有蝦！餃子用雲吞皮好薄，咬開裡面西洋菜好嫩，仲有彈牙嘅蝦肉，鮮味滿滿，呢個組合真係絕配！梅菜豬肉丸都好正，自家手打，大大粒。豬肉餡調得好入味，梅菜嘅鹹香同豬肉嘅鮮甜夾埋一齊，咬落去仲有啲少少嘅彈性，唔會好實淨，幾好食。鍾華記生麵原本已經係熟咗，建議食時先叫上枱，放落鍋煮2秒就可即撈起嚟，面掛滿湯汁，麵身勁彈牙，吸晒啲豬骨湯嘅味，食落超惹味。仲有個響鈴，炸得金金亮亮，放落湯裡面碌一碌，吸晒湯汁，又脆又淋，勁好食🤤，佢仲有跟埋秘製甜酸汁，2種食法。呢個又係打邊爐必叫！野菌什菜盤好清新，
之前試過呢到花膠雞魚翅鍋勁出色🫶🏻，今次試埋個招牌豬骨蜆鍋，呢個鍋超級足料，4-5舊巨型豬骨，再加埋粟米同雞腳等材料熬製，個湯一滾起上嚟，陣陣豬骨同蜆嘅鮮香就撲鼻，飲落胡椒味好，粟米嘅甜，豬骨同蜆肉嘅鮮，全部融喺湯度，飲完暖粒粒，蜆肉大大隻，完全無沙 ，正👍🏻。
跟住試個霜降手切頸脊肥牛（小），肥牛切得好厚身，紋路好靚，擺落鍋裡面一灼，幾秒就熟，入口軟滑到極，牛味香濃，正到痹！必點🙌🏻
秘製西洋菜餃超驚喜，入面居然有蝦！餃子用雲吞皮好薄，咬開裡面西洋菜好嫩，仲有彈牙嘅蝦肉，鮮味滿滿，呢個組合真係絕配！
梅菜豬肉丸都好正，自家手打，大大粒。豬肉餡調得好入味，梅菜嘅鹹香同豬肉嘅鮮甜夾埋一齊，咬落去仲有啲少少嘅彈性，唔會好實淨，幾好食。
鍾華記生麵原本已經係熟咗，建議食時先叫上枱，放落鍋煮2秒就可即撈起嚟，面掛滿湯汁，麵身勁彈牙，吸晒啲豬骨湯嘅味，食落超惹味。
仲有個響鈴，炸得金金亮亮，放落湯裡面碌一碌，吸晒湯汁，又脆又淋，勁好食🤤，佢仲有跟埋秘製甜酸汁，2種食法。呢個又係打邊爐必叫！
野菌什菜盤好清新，啲菜好新鮮，喺濃郁嘅湯底煮完，保留住本身嘅甜味同爽脆，食多幾舊都唔覺膩。
最後飲返杯竹蔗茅根，清清甜甜，完美收尾，解晒打邊爐嘅熱氣同油膩。
總括嚟講，呢餐打邊爐真係好滿足，無論湯底、食材定配料，都好有水準，絕對會再去食多次！
張貼
