德發茶餐廳

營業中

休息中

呢個咁懶洋洋嘅天氣，緊係唔想煮野食喇，所以都係出去搵食好~頭先去咗附近個熟食中心食野，發現呢度嘅豬扒又係真幾招牌，又平又好食，今次叫咗個豬扒米 (豬扒另上)，唔知係咪新鮮熱辣啱啱煎起，所以特別覺得塊豬扒又香又好食! 不過塊豬扒本身可能係預放埋落個湯度一齊上，所以個塊豬扒好似咸咗少少，不過都唔緊要呀，對我黎講佢即叫即煎都已經好滿足啦!~~~係度 hea 睇咗陣報紙期間，發覺原來都真係幾多人叫豬扒架喎，原來散叫一塊豬扒都得添，不過唔知點計呢?!等我下次試下其他，再散叫塊豬扒試下先!