德發茶餐廳

支持佢哋都一段時間，今日post下食評。街市黎講，環境都算好乾淨，空氣流通。今日食左個肉丁炒公仔麵，全部即炒，味道好好，配個木瓜湯，好足料，飲完最重要唔口渴，價錢平，好值得支持…查看更多

地舖食開有水準既飯堂執鬼晒，一向食開德發早餐，lunch，依加開埋晚市，都會繼續幫襯佢好少寫食評，點解會寫呢? 事源最近8號風球，諗住黎德發食個lunch，點知冇開，就幫襯左附近其中一間食個炒粉麵，沒有比較沒有傷害，失望到我第日即刻黎食個有鑊氣既炒河🤩茶記、碟頭飯款式其實間間都差唔多，但德發d野好足料，又好味，碗例湯冇味精，係屋企既味道呀，呀媽煲湯唔好飲就lunch上黎飲下啦🤪餐牌配搭都算多選擇，但對選擇困難症既真係要d時間睇睇😂…查看更多

係屋企附近搵食嘅一日終於食到呢間德發～幾年前黎到佢冇開就冇再黎過。早餐沙嗲牛肉麵餐好特別喎！個麵上面有蘿蔔？！仲要想唔到個蘿蔔入晒味，口感又爽爽地！牛肉嫩滑，沙嗲味唔算好勁，但帶輕微嘅辣～麵質OK～多士幾香脆，火腿、炒蛋普通😬熱檸茶比預期好飲！！茶味香濃！午餐蝦醬叉燒炒飯39蚊一碟飯連飲品！！黎到淨係睇個份量已經覺得抵🤭炒飯夠鑊氣！粒粒分明！雖然係蝦醬炒飯，但完全唔覺得鹹～其實呢間最多人食係炒麵炒意粉個啲！下次一定要試試！溫提：佢地收16:00～大家要預返時間啦！…查看更多

超好食又抵食！夠哂獲氣！唔油又無咩味精，一定要試紅豆冰同凍O茶 (太快飲哂無影到😂😂)朋友嗌咗個蝦醬炒飯，我哋傾傾吓計已經聞到好香呀好香蝦醬味，上到枱又香啲飯又鬆軟炒得啱啱好值得一試真心未試過嗌豬扒公仔麵，你都係會有咁多香料喺面，仲要有白蘿蔔大大嚿喺湯底度驚喜滿分老闆話冇晒河粉轉做乾炒牛河炒麵，香口唔油送返杯凍檸茶真係very good最後我哋仲嗌咗個西多士share做甜品，真係第一次會喺茶餐廳食嘢食到嗌甜品🍮…查看更多

本身都好鐘意係街市大排檔食野，總有幾檔合心水，今日就來長沙灣保安道街市試吓。人唔算多，坐低睇餐牌，原來午餐係牆上。今日有乾炒叉燒意粉，都算啱食，指定凍檸茶，都係➕$1。佢仲有幾個午餐可以揀，不過好似話炒意粉幾好食，所以叫咗。凍檸茶非常不錯，有茶香。有好多連鎖店所謂大師傅都沖唔到咁好。炒意粉都好滿意，叉燒同意粉既味好配合，質感唔會過硬，咸味適中😍簡單一個好食午餐，都係$39（凍飲），真係非常抵食。…查看更多

$36有好大碟嘅干炒牛肉意粉加例湯🤩，最值得讚嘅係牛肉好滑一D都唔會韌👍🏻，係我食過最正嘅牛！！💖，仲要大大塊，比得好多一啲都唔孤寒，例湯好清甜👍🏻，仲有湯渣喺度，仲有一舊排骨冇影到😂。$36絕對係性價比超高。另外仲要咗個$18嘅豬扒包，外賣返到屋企，個包未至於林晒，但最好快啲食咗佢，味道係不錯的，亦都可以試吓，今餐用咗$54好滿足好飽，德發茶餐廳位於保安道市政大廈嘅3樓，上到3樓轉左行就會見到。最後真係大力推介干炒牛肉意粉！！！！…查看更多

這是毫無心理準備下,上來保安道街市樓上熟食市場的一個餐, 這裡是黑板上寫乜就跟住叫會穗陣一點, 這天也是五揀一, 叫咗:咖哩牛腩飯, 牛腩係預先用中式炆法做好的就預咗啦, 咖哩汁唔特別只是港式, 不過還是比以前在某些上海館子午市做的好一點, 最有趣的是可能因為沒有用咖哩炆定一些薯仔?又或者廚師想突破一點,薯仔改為炸波浪薯條, 還好係即炸上的特別熱氣騰騰, …查看更多

$27 特餐豬扒包,兩片包都焊底.香脆,連塊好薄好薄既豬扒都係脆.讚!!!加埋塊有點厚度既蕃茄,脆中帶軟.好像加了蕃茄醬.整個包即制,熱辣香脆咁上來都真係幾好食,不過唔算話大個.個麵,加埋本身有蔥個味精式,似福字麵?麵質都OK.依款味精底雖然有時會鐘意食,但唔期望係食沙嗲牛個時有,同一般既沙嗲牛麵有出入沙嗲牛,唔濃味,十份普通之作.$27 牛扒早餐叫了個麵,叫下扒餐試下啦..其實都無咩大期望..牛扒淺色到似豬肉.見個樣都知麻麻.無咩味.午餐肉,唔係煎到香脆,蛋因為我要全熟,整體普通甚至之下..應該唔會再叫.多士.同個豬扒包一樣勁香脆熱辣.有加點少少牛油,不過我大食.食完個餐我又係唔太飽滿啦...整體最驚喜係個豬扒包.個包可以ENCORE.多士都算唔錯.但其他真係有點普通.唔算好食..…查看更多

再戰街市,$27 午餐包飲品,凍飲加1蚊.其實附近好幾間店都同價.1)三絲炒烏冬,好味,見到炒到出真火.好大火.食落好夠鑊氣唔會太油,炒得均衡.炒野有水準呀!火腿及肉絲份量適中.2) 椒鹽豬飯,飯份量偏少,最近大食既我有少許唔夠.豬扒正常,味道正常,唔算有太驚喜,炒烏冬比較出色本來個椒盬豬扒有點汁,佢另外再在白飯上淋上一圈黑色豉油.個白飯咸左點.如果有得再揀,我會揀隔離枱叫沙嗲牛麵加豬扒包連飲品,比個飯吸引很多,可能更飽但總括這間店炒物吸引!見佢有箱嘉頓包係到,下次好想試豬扒包.早餐價錢也吸引.這個街市環境真係算乾淨.間間店都好多大風扇吹住,仲有唔少師奶後生仔上來食野.…查看更多

經過簡單叫左個唦嗲豬扒麵, 本身想叫炸豬扒不過叫錯左, 下次再試而豬扒都不錯! 夠豬肉味, 放入熱公仔麵湯咬口度剛剛好, 而唦嗲汁有釋心調味過, 味道幾好.由於味道好濃所以放入公仔麵湯底就剛剛好.…查看更多

往保安道市政大廈光顧了很多年, 但大多數只往一家由少光顧至大的茶餐廳, 雖然它的食物質素每況愈下, 但感情分搭夠.只是現在那家歷史悠久的茶餐廳已經分租了給別人, 在新一年又加了價, 食物質素又沒改善, 不用再給感情分的情況下, 一於轉試熟食中心的其他食店.這次就選了對面只佔一間舖位的茶餐廳, 一樣有炒粉麵飯和即食麵的特餐, 職員就只有兩位像夫婦的員工/老闆.選了特餐, 比較特別的是特餐除了可以選平常的奄列外, 還可以選擇豬扒包.第一次光顧, 選了特餐, 從選擇中選了沙嗲牛肉麵配豬扒包.沙嗲牛肉麵像外面大多數茶餐廳一樣, 只是即食麵再加上一堆早預備好的沙嗲牛肉. 沙嗲汁有點過鹹, 牛肉不算韌, 湯底是用像福字麵的湯粉開成的. 比較好的是加了一條菜, 比較健康.豬扒包有一塊鬆軟的豬扒, 一片多汁蕃茄, 茄汁, 而加分的是, 兩塊包住餡料的麵包是有烘過的.餐飲點了熱檸茶, 質素正常.整份特餐只是$22, 比對家在今年加了價的茶餐廳還便宜. 既然質素比對家好, 又比對家便宜, 可以再光顧.…查看更多

呢個咁懶洋洋嘅天氣，緊係唔想煮野食喇，所以都係出去搵食好~頭先去咗附近個熟食中心食野，發現呢度嘅豬扒又係真幾招牌，又平又好食，今次叫咗個豬扒米 (豬扒另上)，唔知係咪新鮮熱辣啱啱煎起，所以特別覺得塊豬扒又香又好食! 不過塊豬扒本身可能係預放埋落個湯度一齊上，所以個塊豬扒好似咸咗少少，不過都唔緊要呀，對我黎講佢即叫即煎都已經好滿足啦!~~~係度 hea 睇咗陣報紙期間，發覺原來都真係幾多人叫豬扒架喎，原來散叫一塊豬扒都得添，不過唔知點計呢?!等我下次試下其他，再散叫塊豬扒試下先!…查看更多

小時候，在深水埗的屋村長大，有次一個鄰居帶我來這熟食中心，吃過一件超級難食的牛肉球，自此便留下了陰影，對此熟食中心的所有攤檔都十分抗拒。事隔廿多年，今天的我，突然想走去上街市吃東西，我想很多檔口都應該易了手，水準照計也不會像以前那麼差勁。於是便狠下決心，乘扶手電梯往三樓熟食中心去。隨便選了個檔口，找個位置坐下。好，就要一碟沙嗲牛肉飯，飲杯熱奶茶。未幾，奶茶先到，呷一口，茶味重，但質感仍然滑，飲得很舒服，是有水準的。沙嗲牛肉飯，沙嗲汁不算很濃，牛肉是經過處理的化學牛，幸好口感不致太假，碟內仍加了幾條西生菜，幾爽脆的，反正感覺有幾分像以前學校飯堂的出品，是可以接受的。如果可以混入點洋蔥，想必更好味。廿多年的心理障礙，今次終於打破了！…查看更多

早排經過保安道街市，但係又對普通嘅雲吞水餃無興趣。 結果坐落低就出咗個難題俾老細，除咗招牌菜外仲有咩好介紹。跟住老細就介紹我食撈河，就係呢碗秘制腩汁魚皮餃撈河。咁樣食法都係第一次，又幾創新喎，又大碗 ! 食完之後同老細傾咗陣計，原來呢間鋪都做超過四十年，唔怪得之難唔到老細，下次再返黎食先，正 !…查看更多

細細個已經成日跟屋企人黎呢度食, 到而家大個都間唔中同啲朋友黎食因為我鍾意食啲香濃嘅野, 所以最鍾意食呢度啲沙嗲, 呢度啲沙嗲同出面食果啲真係有啲分別, 唔會淡"某某", 又夠香, 差不多十次有七次我都會叫沙嗲牛肉麵, 因為我唔鍾意食公仔麵所以次次都叫老板轉雲吞麵俾我食, 老板又無所謂仲笑笑口話好, 真係好人~…查看更多