影片
更多
2009-06-24
34 瀏覽
5月15日, 同呀比過開深水埗買電腦~ 於是順道到訪聞說是蛋牛治界最堅代表的新香園潮聖! 地點係有少少僻, 不過細心留意, 其實佢個招牌真係大大個~! 二話不說我地就一次過試晒佢三樣名物~::: 蛋牛治 烘底 ::: $12塊蛋比其他人薄wor… 不過, 都比普通的厚.蛋夠鬆又煎得微脆, 夾著切碎的鮮牛肉食落味道香濃, 果然比其他蛋牛治更上一層樓! 加上佢個烘底, 真係成塊麵包都烘到鬆化的, 果真係名不虛傳, 好有衝動再叫多份!! 留意, 烘底係唔洗加錢架~ 真係好抵!!::: 豬手麵 ::: $14兩大舊豬手鋪面,絕不馬虎, 非常大隻, 啖啖都係肉, 而肉地一d都唔霉, 燜既時間剛剛好~ 南乳味道非常濃郁, 仲滲埋落個湯底, 不過麵底就唔係好大碗, 食晒個麵豬手都未食完~ 作為招牌菜, 都係值得推介~::: 紅豆冰 ::: $11凍! 碎冰浮面, 紅豆起沙, 奶同紅豆屬五五份量, 所以偏甜. 整體味道不錯, 紅豆亦有咬口. 不過唔夠大粒~蛋牛治烘底貴為必叫item實在係當之無愧!! 真係令人回味無窮!! 而豬手麵同紅豆冰, 老實講係水準以上不過仍可以更好. 睇返openrice, 食
::: 蛋牛治 烘底 ::: $12
塊蛋比其他人薄wor… 不過, 都比普通的厚.蛋夠鬆又煎得微脆, 夾著切碎的鮮牛肉食落味道香濃, 果然比其他蛋牛治更上一層樓! 加上佢個烘底, 真係成塊麵包都烘到鬆化的, 果真係名不虛傳, 好有衝動再叫多份!! 留意, 烘底係唔洗加錢架~ 真係好抵!!
::: 豬手麵 ::: $14
兩大舊豬手鋪面,絕不馬虎, 非常大隻, 啖啖都係肉, 而肉地一d都唔霉, 燜既時間剛剛好~ 南乳味道非常濃郁, 仲滲埋落個湯底, 不過麵底就唔係好大碗, 食晒個麵豬手都未食完~ 作為招牌菜, 都係值得推介~
::: 紅豆冰 ::: $11
凍! 碎冰浮面, 紅豆起沙, 奶同紅豆屬五五份量, 所以偏甜. 整體味道不錯, 紅豆亦有咬口. 不過唔夠大粒~
蛋牛治烘底貴為必叫item實在係當之無愧!! 真係令人回味無窮!! 而豬手麵同紅豆冰, 老實講係水準以上不過仍可以更好. 睇返openrice, 食物質素時有不同, 紅豆冰比例有時六四有時五五… 希望會keep到個水準啦! 寫完都好想再食多次…
張貼
