影片
更多
2023-04-01
346 瀏覽
基本上每日都要加班，放工好攰，喺荃灣隨便食啲嘢先返屋企，經過 citywalk 見到對面炯記餐室 好多人排隊食外賣，突然好掛住太子鵝油撈麵、手撕雞；見到啱啱有位即刻坐低食碗麵。叫咗嘢食，店員細心又有禮貌，好快就送咗 2碗例湯 俾我哋，材料都幾豐富足料，飲啖湯味道好屋企。炯記四寶捞麵炯記四寶捞麵賣相已經好吸引，招牌太子鵝油撈麵果然超水準！燒鵝油加上秘製豉油，自家秘製調配醬汁，有鵝油香味唔會太鹹，鵝油撈粗麵口感特別好。四寶有手撕雞、醬皇豬手、秘制醬皇腩叉、紅腸，手撕雞肉質好嫩滑，醬皇豬手有驚喜，豬手肉好淋， 醬汁好食，入口滿滿骨膠原，叉燒肥瘦相間，唔會乾身，蜜汁香味都突出。燒味雙拼撈麵朋友的燒味雙拼，揀咗最受歡迎嘅燒味，叉燒 + 燒鵝撈粗，麵質好爽口。炯記煙燻燒鵝人氣爆燈，燒鵝質素相當好，皮脆肉嫩。燒鵝皮脆卜卜甜甜地嘅味道， 多肉食，煙燻製法特別香濃，肥瘦適中，撈粗麵大大碟，招牌嘅鵝油不能錯過。手撕雞腸粉鹽焗手撕雞我鍾意食，今次試吓加麻辣味，手撕雞都滑，麻辣味好刺激，配埋腸粉食，再加上混醬汁，配埋好夾，味道都十分唔錯。酸辣雲耳仲有開胃小食，酸酸辣辣好惹味，雲耳超爽口。奶茶呢度嘅奶茶好飲過茶
叫咗嘢食，店員細心又有禮貌，好快就送咗 2碗例湯 俾我哋，材料都幾豐富足料，飲啖湯味道好屋企。
炯記四寶捞麵
炯記四寶捞麵賣相已經好吸引，招牌太子鵝油撈麵果然超水準！燒鵝油加上秘製豉油，自家秘製調配醬汁，有鵝油香味唔會太鹹，鵝油撈粗麵口感特別好。
四寶有手撕雞、醬皇豬手、秘制醬皇腩叉、紅腸，手撕雞肉質好嫩滑，醬皇豬手有驚喜，豬手肉好淋， 醬汁好食，入口滿滿骨膠原，叉燒肥瘦相間，唔會乾身，蜜汁香味都突出。
燒味雙拼撈麵
朋友的燒味雙拼，揀咗最受歡迎嘅燒味，叉燒 + 燒鵝撈粗，麵質好爽口。
炯記煙燻燒鵝人氣爆燈，燒鵝質素相當好，皮脆肉嫩。燒鵝皮脆卜卜甜甜地嘅味道， 多肉食，煙燻製法特別香濃，肥瘦適中，撈粗麵大大碟，招牌嘅鵝油不能錯過。
手撕雞腸粉
鹽焗手撕雞我鍾意食，今次試吓加麻辣味，手撕雞都滑，麻辣味好刺激，配埋腸粉食，再加上混醬汁，配埋好夾，味道都十分唔錯。
酸辣雲耳
仲有開胃小食，酸酸辣辣好惹味，雲耳超爽口。
奶茶
呢度嘅奶茶好飲過茶餐廳，茶香奶滑。
鴛鴦
咖啡同奶茶嘅比例，剛剛好，香醇好飲。
總括，如果平時放工唔想煮飯，炯記小店食燒味同埋撈麵絕對係好選擇，價錢都幾抵，份量幾足。
張貼
