影片
更多
2005-06-02
17 瀏覽
同朋友兩個由朗豪坊行到去女人街搵食, 結果走左入來呢間, 其實都係俾門口個女侍應引左入去, 因見佢介紹的menu 都唔錯, 而且佢都幾有禮貌. 同埋"立"一"立"見入面都有D人0向度食, 又即管試試啦~入到去, 暗暗的, 而且間鋪真係好細, 左右兩邊各排一列檯, 檯與檯之間得好細條"lar", 出入都要移一移d檯. 同埋可能地方細, 坐滿人時都幾嘈, 講環境真係麻麻, 唯有寄望D食物唔會太差啦.兩客廚師推介, 各包西蘭花田螺湯, 生蠔/芝士焗青口2隻, 主菜及飲品. 湯較淡, 田螺亦無乜味, 水準麻麻, 但跟湯件蒜蓉多士就唔錯. 生蠔無乜蠔味, 唔好食, 而個焗青口就幾好, 唔漏, 熱辣辣幾好味!!朋友的主菜揀了白汁帶子菠菜闊麵, 以我則揀了他們的推介招牌菜-- 法式酥皮鵝肝併牛配薯菜. 個菠菜闊麵先上, 朋友話味道唔錯, 我試左一條闊麵, 都OK, 白汁同帶子粒都唔少, 亦唔算好漏. 到我的主菜上檯, 老實講, 當個侍應將我的主菜放在我面前時, 我真係忍唔住笑左出來, 一塊酥皮做成半球形狀, 再蓋住下面的牛柳和鵝肝. 仲有放在側邊的粗身薯條, 個賣相好似一隻...龜...
入到去, 暗暗的, 而且間鋪真係好細, 左右兩邊各排一列檯, 檯與檯之間得好細條"lar", 出入都要移一移d檯. 同埋可能地方細, 坐滿人時都幾嘈, 講環境真係麻麻, 唯有寄望D食物唔會太差啦.
兩客廚師推介, 各包西蘭花田螺湯, 生蠔/芝士焗青口2隻, 主菜及飲品.
湯較淡, 田螺亦無乜味, 水準麻麻, 但跟湯件蒜蓉多士就唔錯. 生蠔無乜蠔味, 唔好食, 而個焗青口就幾好, 唔漏, 熱辣辣幾好味!!
朋友的主菜揀了白汁帶子菠菜闊麵, 以我則揀了他們的推介招牌菜-- 法式酥皮鵝肝併牛配薯菜. 個菠菜闊麵先上, 朋友話味道唔錯, 我試左一條闊麵, 都OK, 白汁同帶子粒都唔少, 亦唔算好漏. 到我的主菜上檯, 老實講, 當個侍應將我的主菜放在我面前時, 我真係忍唔住笑左出來, 一塊酥皮做成半球形狀, 再蓋住下面的牛柳和鵝肝. 仲有放在側邊的粗身薯條, 個賣相好似一隻...龜... 講番味道, 塊鵝肝好薄咁伏在件牛柳上, 味道麻麻, 當然啦, 一分錢一分貨的道理我仍然記得, 亦可能因為咁, 對件牛柳亦唔會抱太大期望, 加上又無問要幾成熟, 所以一早抱住"你話係招牌菜, 又試下先"的心態. 點知出來都唔太差, 件牛柳大約七成熟左右, 唔靭, 肉味亦可, 以六十幾蚊一份餐的價錢來講, 算可以了. 反而我幾鍾意d薯條, 因為係切成長三角條形的那種, 薯仔味幾夠.
埋尾的兩杯茉莉珍珠d珍珠係一餅餅的, 而且好甜, 我要等D冰溶D之後先飲, 結果都係剩一半. 可能轉飲其他會好D~~
服務方面就幾好, 幾位侍應加埋應該係經理的男人都好有禮貌, 唔該前多謝後咁, 算唔錯喇!! 連加一每人六十幾蚊, 若唔介意地方迫的話都食得過, 但就唔太適合三五知己作吹水之地呢!!
張貼